Վերադարձ դեպի 90-ականներ կամ ինչպես փոշիացնել բյուջեն
Վերլուծական
Բյուջեից ֆինանսավորվող անձանց՝ կենսաթոշակառուների և պետական համակարգի աշխատողների, այդ թվում մանկավարժների, բժիշկների, մշակութային հիմնարկների աշխատակիցների համար 2019թ․-ը սկսվել է տհաճ անկնկալներով։ Սկսել են ուշանալ կենսաթոշակների, աշխատավարձերի և անգամ չնչին գումար կազմող կրթաթոշակների վճարումները։ Նման երևույթ եղել է 90-ականներին և այդ ժամանակ պատճառները թերևս օբյեկտիվ էին՝ պատերազմ, մութ ու ցուրտ տարիներ:
Այսօր մեզ հավաստիացնում են, որ մենք ապրում ենք նոր Հայաստանում, որի հպարտ քաղաքացիները օր օրի պետք է իրենց մաշկի վրա զգան դրական, հետհեղափոխական փոփոխությունները: Փոխարենը մեր քաղաքացիները օր օրի գլորվում են դեպի վերոնշյալ ցուրտ և մութ 90-ականները: Իհարկե Փաշինյանը և իր թիմը գիտակցում են՝ ինչ գին կարող է իրենց համար ունենալ հանրային դժգոհության ալիքը: Այդ հանգամանքը հուշում է, որ ըստ երևույթին՝ վճարումների ուշացման պատճառը լուրջ է, այն է՝ բյուջեում առկա ճեղքն է, իսկ ավելի պարզ ասած՝ փողի բացակայությունը: Հակառակ դեպքում, դժվար թե իշխանությունները մազոխիստական հակումներ ունենային և ցանկություն ունենային էլ ավելի գրգռել առանց այդ էլ սոցիալական ծանր պայմաններում ապրող հպարտ քաղաքացիներին:
Օրերս հրապարակում եղավ, որ պետական բյուջեի եկամուտների գերակատարման ցուցանիշը ստացվել է իրականում գոյություն չունեցող և վերադարձման ենթակա մոտ 21 մլրդ դրամ հավելյալ գումար մուտքագրելու շնորհիվ, որոնք պետք է հետ վերադարձվեն հունվար և փետրվար ամիսներին։ Իսկ ո՞վ կարող է բացառել, որ «շան գլուխը» հենց այստեղ է թաղված…Տեսարանները իհարկե ապահովվեցին, իսկ հացի համար՝ փող չկա…
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
