Բողոքի մեծ ալիք Իսրայելում. ցուցարարներից մեկը ինքնահրկիզվել է (լուսանկարներ)

Բողոքի մեծ ալիք է բռնկվել Իսրայելում: Երթեր են կազմակերպվել Երուսաղեմում, Թել Ավիվում և Հայֆայում, որի ժամանակ մի մարդ իրեն հրկիզել է: 

Միաժամանակ 2 առանձին իրադարձություն էր տեղի ունենում: Հազարավոր մարդիկ էին մանակցում ցույցերից մեկին, որը կազմակերպել էր հասարակական ակտիվիստ Դաֆնի Լիֆի կողմից: Բողոքի ակցիան իր գագաթնակետին հասավ կառավարության շենքի մոտ:

Ցուցարարներից 52-ամյա մի մարդ բենզին է լցրել իր մարմնի վրա և հրկիզել: Դեպքի վայրում գտնվողներին հաջողվել է արագ մարել կրակը մինչև շտապօգնության ժամանելը, և վերջինս տեղախոխվել է հիվանդանոց: Մարդը դեպքի վայրում նամակ է թողել: «Իսրայելի պետությունն ինձանից գողացել և թալանել է: Այն ինձ անօգնական վիճակում է թողել». տեղեկացնում է Haaretz ամսագիրը: Նամակում նաև ասվում է, որ նա մեղադրում է Իսրայելի վարչապետին և ֆինանսների նախարարին նվաստացման համար, որոնք օրեցօր թուլացնում են քազաքացիներին, վերցնելով աղքատներից տալիս են հարուստներին:

Իսկ քաղաքի մյուս ծայրում «Միլիոն մարդկանց երթ» էր կազմակերպվել: 500 հրեաներ և արաբներ մասնակցեցին Հայֆայի ցույցին՝ կոչ անելով իսրայելական կառավարությանը գործողություններ ձեռնարկել հասարակական արդարության գործընթաց և քիչ գումար ծախսել ռազմական գործողությունների վրա: Վերջիններիս կարգախոսներն էին՝ «գումար մարդկանց և ոչ՝ տարածքների համար», «գումար բարեկեցության և ոչ՝ պատերազմների համար»:

Բողոքի ցույցերը կազմակերպվել էին ի հիշատակ անարդարության դեմ անցյալ տարվա ցույցերի: 2011 թվականի Դաֆնի Լիֆն ու 9 ցուցարարներ վրաններ խփեցին Թել Ավիվի զբոսայգիներից մեկում: Վրանների քանակը սնկի նման սկսեց աճել' ընդգրկելով բնակչության 10 տոկոսը:

{gallery}israel{/gallery}