Փաշինյանի խաղաքարտերը խառնո՞ւմ են
Վերլուծական
Ադրբեջանի ԱԳՆ ղեկավարի կարծիքով` Արցախյան հակամարտության վերջնական կարգավորման համար միայն քաղաքական կամքն է պակասում։ «Տվյալ դեպքում մենք պետք է որոշենք` շարժվում ենք, թե ջուր ենք ծեծում։ Բոլորն ամեն ինչ գիտեն, մնացել է քաղաքական կամքը։ Իզուր չէ, որ Փարիզում հայտարարություն է արվել Ադրբեջանի և Հայաստանի բնակչությանը խաղաղության նախապատրաստելու մասին»,-ասել է Մամեդյարովը։ Այս թեմայի շուրջ այսօր խոսել է նաև Ադրբեջանի նախագահ Իլհամ Ալիևը: Ադրբեջանի նախագահը հայտարարել է, որ Երևանն ուզում է փոխել բանակցային ձևաչափը, ինչն անընդունելի է, բանակցության արգելափակման փորձ:
Եթե ըստ Բաքվի իշխանությունների հակամարտության կարգավորման համար այս փուլում բացակայում է միայն քաղաքական կամքը, պետք է ենթադրել, որ առանցքային բոլոր հարցերի շուրջ ձեռք է բերվել համաձայնություն, իսկ կամքը անհրաժեշտ է այդ համաձայնության փաստը ընդունելու, հանրայնացնելու և իրագործելու համար: Եվ սա այն դեպքում, երբ վարչապետ Փաշինյանը հայտարարում է, որ Ադրբեջանի նախագահի հետ սպասվող հանդիպումը օրակարգ չունի, իսկ մինչ այս պահը հանրության թիկունքում որևէ համաձայնություն ձեռք չի բերվել: Արդյո՞ սա պարզապես Բաքվի՝ Փաշինյանի խաղաքարտերը խառնելու փորձ է, թե՞ վարչապետի՝ Ստեփանակերտում արված հայտարարությանը Բաքվից պատասխանում են վերելակային բանակցությունների մանրամասները «սլիվ» անելով: Նման իրավիճակներից խուսափելու համար Փաշինյանը պետք է հավատարիմ մնա իր խոստմանը և Արցախյան հակամարտության կարգավորման հարցում լինի մաքսիմալ բաց և հաշվետու հասարակության առջև, հակառակ դեպքում կարող է կորցնել վստահությունը նաև այս ճակատում, ինչը էականորեն կթուլացնի Հայաստանի դիրքերը բանակցային գործընթացում…
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
