Միջազգային առաջատար ԶԼՄ-ներում հայոց ցեղասպանության վերաբերյալ նյութերի մրցանակաբաշխություն

ԾՐԱԳԻՐ՝ ՀՑ100_ՊԳՖԱ-Տ.3_Բ

Հայոց ցեղասպանության 100-րդ տարվան ընդառաջ

Միջազգային առաջատար օրաթերթերում, շաբաթաթերթերում, հեռուստա- և ռադիոհաղորդումներում, ինտերնետային պարբերականներում հայոց ցեղասպանության վերաբերյալ նյութերի մրցանակաբաշխություն։

«Տաշիր» հիմնադրամը և «Պահանջում ենք գիտության ֆինանսավորման ավելացում» (ՊԳՖԱ) ֆեյսբուքյան նախաձեռնությունը (www.facebook.com/science.and.finance) Հայոց Ցեղասպանության 100-րդ տարվան ընդառաջ հայտարարում են մրցանակաբաշխություն միջազգային առաջատար օրաթերթերում, շաբաթաթերթերում, հեռուստա- և ռադիոհաղորդումներում, ինտերնետային պարբերականներում, բլոգներում, և այլուր հայոց ցեղասպանության մասին նյութեր հրապարակած լրագրողների համար:

Մրցույթին ենթակա առաջատար լրատվամիջոցների ցանկը կհայտարարվի առանձին հաղորդագրությամբ:

Մրցույթին կարող են մասնակցել ինչպես ՀՀ քաղաքացիներն, այնպես էլ սփյուռքահայերն ու օտարերկրյա լրագրողները։ Նյութերը պետք է հրապարակված լինեն սույն հայտարարության օրվանից հետո։

Հայտերն ընդունվում են մինչև 2015 թվականի մարտի 31-ը ներառյալ: Հայտերը կարող են ներկայացվել հոդվածի տպագրությունից անմիջապես հետո մինչև նշված վերջնաժամկետն անընդմեջ:

Մրցույթների արդյունքները կամփոփվեն յուրաքանչյուր տարվա ապրիլի 20-ին: Մրցանակների արժեքների վերաբերյալ կլինի լրացուցիչ հայտարարություն։

Յուրաքանչյուր տարվա մրցույթի համար դիտարկվելու են միայն նախորդ տարվա ապրիլից մինչև տվյալ տարվա մարտի 31-ն ընկած ժամանակահատվածում հրապարակված հոդվածները: Մրցանակների արժանացած հոդվածները հաջորդ մրցույթում չեն դիտարկվելու:

Մրցույթի արդյունքները կամփոփի «Տաշիր» հիմնադրամի, ՊԳՖԱ-ի և հայաստանյան ու արտասահմանյան ճանաչված հայագիտական կենտրոնների ներկայացուցիչներից կազմված հանձնաժողովը:

Մրցույթին մասնակցելու համար անհրաժեշտ է միանալ http://www.facebook.com/science.and.finance էջին և մինչև 2015թ. մարտի 31-ը ներառյալ մրցույթի հայտարարության տակ՝...... էջում, որպես մեկնաբանություն տեղադրել մրցույթին ներկայացվող հոդվածի և հեղինակի վերաբերյալ հետևյալ տեղեկությունները։ Նշված կետերից որևէ մեկի բացակայության դեպքում ներկայացված հայտը չի դիտարկվի։ Հետևաբար, խնդրում ենք տրամադրել պահանջվող ամբողջ տեղեկությունը՝ նշված հաջորդականությամբ.

Անուն, հայրանուն, ազգանուն (հայերեն)*
Name, father’s name, family name (English)*
Աշխատանքի վայր*
Էլ. փոստ*
Հեռախոս*
Ներկայացվող հոդվածների ամբողջական տվյալները և համացանցային հղումները.*
1.
2.
3.

Խնդրում ենք սույն հայտարարությանը հաջորդող մեկնաբանություններում բացառապես ներկայացնել միայն հայտեր։ Այլ բնույթի մեկնաբանությունները կջնջվեն։

Այս հայտարարության անգլերեն տարբերակը կհրապարակվի շուտով:

Հայտարարությունը տեղակայվել է 2012 թ. հուլիսի 11-ին: