Սիրիական ընդդիմությունը երկրի ներքին իրադարձություներին միջամտելու կոչով դիմում է Թուրքիային

Սիրիայում բախումները կանխելու համար անհրաժեշտ է Թուրքիայի միջամտությունը երկրում տեղի ունեցող իրադարձություններին, հայտարարել է Համա քաղաքում սիրիական ընդդիմության պաշտոնական ներկայացուցիչ Հալիդ Աբու Սալիդը, հաղորդում է CNN Turk-ը.

«Թուրքիայի կողմից սիրիական ընդդիմությանը ցուցաբերվող աջակցությունը բավարար չէ, և անհրաժեշտ է միջամտել երկրում տեղի ունեցող իրադարձություններին», - ասել է Աբու Սալիհը:

Ըստ նրա, իշխանության ղեկին Բաշար Ալ-Ասադի լինելն անընդունելի է. «Միջազգային դիտորդները Սիրիայում ականատես են եղել խաղաղ բնակչության ոչնչացմանը»:

Հիմնական պատճառներից մեկը, ըստ որի միջազգային հանրությունը մինչև հիմա չի միջամտել Սիրիայում տեղի ունեցող իրադարձություններին, երկրում նավթի բացակայությունն է:

Հիշեցնենք, որ ըստ ՄԱԿ-ի տեղեկությունների, սիրիական հակամարտության ընթացքում զոհերի թիվը գերազանցել է 12,000-ը: Մոտ 230,000 մարդ դարձել է փախստական, իսկ մոտ մեկ միլիոն մարդ մարդասիրական օգնության կարիք ունի: