Գարիկ Սարգսյանի «դուխով» հայտարարությունը. նա դասեր չի՞ քաղել
Վերլուծական
Անցած տարվա ապրիլ-մայիսյան հեղափոխության շնորհիվ գյուղապետից մարզպետ դարձած Գարիկ Սարգսյանը գրեթե ամեն օր հայտնվում է լրատվամիջոցների ուշադրության կենտրոնում։ Սարգսյանից մարզում դժգոհություններ կան։ Արարատի մարզի բնակիչները մարզպետից իրենց դժգոհությունը չէին թաքցնում նաև անցած շաբաթ օրը վարչապետի կողմից մարզ կատարած այցի ժամանակ։ Եվ չնայած այդ հանգամանքին, մարզպետը լրատվամիջոցներից մեկի հետ զրույցում հայտարարել է, որ պատրաստվում է այս տարի էլ իրեն երեք անգամ պարգևատրել, իսկ թե ինչի համար՝ կտեսնենք:
Արարատի մարզպետ Գարիկ Սարգսյանը ևս անմասն չի մնացել իրեն, տեղակալներին, օգնականներին, վարչության պետերին պարգևատրելուց: Թեև պարգևատրումը օրենքով նախատեսված խրախուսման միջոց է, սակայն Գարիկ Սարգսյանն ավելի հեռուն է գնացել, քան իր գործընկերները : Նա 2018թ. դեկտեմբերի 24-ի թիվ 312 կարգադրությամբ՝ մարզպետարանում աշխատող 15 անձանց, այդ թվում իրեն, պարգատրել է 104.5% դրույքաչափով: Հավանաբար գումարի չափն աչք «չծակելու» համար չի նշվել կարգադրության մեջ: Այդ քայլը լայն քննադատության արժանացավ, անգամ Սարգսյանի թիմակից Սուրեն Պապիկյանը հայտարարեց, որ մարզպետը չուներ ինքն իրեն նման չափով պարգևատրելու բարոյական և իրավական հիմք: Սակայն, ինչպես երևում է՝ այդ ամենը դաս չեղավ մարզպետի համար, վերջինս դուխով պատրաստվում է շարունակել ձևավորված ավանդույթը:
Սա էլ իր հերթին վկայում է, որ «վերևներից» ոչ ոք այդպես էլ չսաստեց ինքնապարգևատրված պաշտոնյաներին, և ինչո՞ւ սաստեին: Սարգսյանը Փաշինյանի համար խորհրդարանական ընտրություններին շուրջ 20 հազար ձայն էր հավաքել, իհարկե կարող է վերևներից էլ «դաբրո» ունենալ ինքնապարգևատրվելու: Այժմ էլ կարող է իր ազգ ու տակին աշխատանքի տեղավորել, մարզի բազմաթիվ խնդիրների վրա աչք փակել, կամ միգուցե մի երկու համայնքապետի, գյուղապետի ճնշել, նախկին իշխանություններին պատկանող հանքերը ձեռքներից վերցնել և նորից ինքնապարգևատրվել, այն էլ՝ երեք անգամ:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
