Դամասկոսի մարտերում զրահատեխնիկա է կիրառվոմ

Սիրիայի իշխանությունները մի քանի շարասյուն զրահատեխնիկա են տեղափոխել Դամասկոսի հավային շրջաններ, որտեղ դեռ գիշերվանից ընթանում են դաժան մարտեր իշխանական զորքերի և ապստամբների միջև: Այդ մասին հաղորդում է Reuters գործակալությունը՝ հավելելով, որ այս պահին տեղի ունեցող մարտերը ամենաարյունալին են ապստամբությունների ալիքը սկսվելու օրվանից ի վեր:

"Frace-Presse"-ի հաղորդմամբ՝ ընդդիմադիրների կողմից վերահսկվող թաղամասերը այս պահին ականանետերով ռմբակոծվում են Սիրիայի նախագահ Բաշար Ալ-Ասադին հավատարիմ զորքերի կողմից, իսկ մայրաքաղաքից դեպի հարավ տանող ճանապարհները փակ են: Փակ են նաև դեպի Բեյրութ և  Դամասկոսի օդանավակայան տանող ճանապարհները:

Հիշեցնենք, որ Դամասկոսում բնակվում են նաև բազմաթիվ սիրիահայեր, որոնց մի մասը մեծ դժվարություններ հաղթահարելով կարողացել է տեղափոխվել Հայաստան, իսկ մեծ մասին դա չհաջողվեց։