Տաջիկստանի մայրաքաղաքի մակերեսը կմեծացվի 3 անգամ

Տաջիկստանի ճատարապետները մշակել են երկրի մայրաքաղաք Դուշամբեի նոր գլխավոր հատակագիծը, համաձայն որի՝ քաղաքի մակերեսը կմեծանա 3 անգամ: Այդ մասին հայտնում է "Ազիա+"-ը:

Արդյունքում Դուշամբեի տարածքը շուրջ 120 քառակուսի կիլոմետրից կդառնա մինչև 360 քառակուսի կիլոմետր:

Նշենք, որ Տաջիկստանի մայրաքաղաքի բնակչությունը 2010 թվականի տվյալներով շուրջ 700 հազար է, իսկ քաղաքի գործող գլխավոր հատակագիծը ստեղծվել է 1980-ականներին` ԽՍՀՄ մասնագետների կողմից: