«Չորրորդ ինքնիշխանություն». Լարված հարաբերություններ

Շրջանառվող լուրերի համաձայն, «Վիրահայերի Միասնություն» ՀԿ-ի նախագահ Նորայր Թևանյանը Մոսկվայում բավականին ծանր զրույց է ունեցել նույն կազմակերպության անդամ, ԱԺ նախկին պատգամավոր Հայկ Սանոսյանի մերձավոր շրջապատի հետ:

Ասում են` Թևանյանը Սանոսյանի յուրայիններին մարտահրավեր է նետել` ասելով, որ առանց իր «դաբրոյի» ՌԴ-ում Սանոսյաններն ու նրանց «կրուգը» ոչինչ անել չեն կարող: Ավելի ճիշտ, Թևանյանը «բլոկ» է դրել որոշ շինարարական տենդերների վրա' թույլ չտալով, որ առանց իր իմացության որևէ մեկին շինարարական մեծ պատվերներից բաժին հասնի:

Ավելին, Թևանյանը իր «մարդկանց» միջոցով ոչ միայն Սանոսյաններին, այլ նաև որոշ հայ գործարարների, որոնք նույնպես ՌԴ-ում բավականին մեծ ճանաչում ունեն, «մեսիջ» է ուղարկել, որ իր հետ «շփոթվողներին» ինքը իրենց ճիշտ տեղն է ցույց տալիս: Հատկապես նրանց, ովքեր բիզնես դաշտում կփորձեն հայտնվել իր ճանապարհին ու մանր-մունր «խաղեր» կտան:

Իմիջիայլոց, այս ֆոնի վրա ոչ պակաս լարված հարաբերություններ են ձևավորել նույն Թևանյանի ու ՀՀԿ-ական ծագում ունեցող այլ գործարար-պատգամավորների միջև, որոնք ժամանակին Թևանյանի համար մեծ սեղաններ էին բացում Գրիգորի Մարգարյանին' Բելաջիոյի Գրիշին պատկանող «Բելաջիո» ռեստորանային համալիրում: