Դամասկոսում ընթանում են ամենաարյունալի բախումները հակամարտության ողջ ընթացքում

Հուլիսի 16-ին, Սիրիայում իրավիճակը սրվել է: Կառավարական բանակը մի քանի զրահապատ մեքենաներ է ուղղել Դամասկոսի հարավային թաղամասեր, որտեղ շարունակվում է պայքարը ապստամբների և Բաշար ալ – Ասադի ռեժիմի կողմնակիցների միջև, հաղորդում է Reuters-ը:

Տեղացիների խոսքերով, Սիրիայի մայրաքաղաքում այժմ ընթանում է ապստամբների և կառավարական ուժերի միջև հակամարտության 17 ամիսների ընթացքում ամենաարյունալի մարտերը:

Հիշեցնենք, որ հուլիսի 15-ին Դամասկոսում տեղի ունեցող մարտերի ընթացքում զոհվել է հինգ մարդ ևս տասը վիրավոր է: Հաջորդ օրը մարդիկ սովորականի նման անցել են աշխատանքի և գնումների, երբ նոր բախումները անսպասելիորեն վրա են հասել:

Այժմ բնակիչները նորից լքում են Դամասկոսի թաղամասերը, որոնք Ալ – Ասադի համար դարձել են ռմբակոծության թիրախ: Տեղացիները բողոքում են, որ գրեթե երկու օր չեն քնել անդադար պայթյունների և կրակոցների պատճառով, նշում է РБК-ն:

Հիշեցնենք, որ հուլիսի 13-ին Սիրիայի «Համայի հեղափոխական խորհուրդ» ընդդիմադիր կազմակերպությունը մեղադրել է Ասադին հավատարիմ ուժերին Թրեմսե գյուղում ավելի քան 220 բնակչի սպանության մեջ: Ըստ ընդդիմության վարկածի, բնակիչների զանգվածային սպանությունը Ասադի բանակի՝ բնակավայրերին ենթարկած ռմբակոծությունների հետևանք է:

Սակայն սիրիական իշխանությունները ժխտում են իրենց մասնակցությունը Թրեմսե գյուղում խաղաղ բնակչության ոչնչացմանը: Դամասկոսը պնդում է, որ այդ գյուղում իրականացվել են զինված ահաբեկիչների դեմ հատուկ գործողություններ: