Վտանգավոր հայտարարություն Արցախից. ի՞նչ խաղ են խաղում իշխանությունները
Վերլուծական
Ինչպես գիտենք, օրերս Ստեփանակերտում էր Հայասստանի իշխող կուսակցության պատվիրակությունը, եւ այդ այցի ընթացքում ելույթ ունենալով Արցախի խորհրդարանում՝ Հայաստանի խորհրդարանի փոխխոսնակ Լենա Նազարյանը բազմիցս կրկնել է «մենք ու դուք»՝ հայտարարելով, որ «մեր ու ձեր» հարաբերությունները չպետք է սահմանափակվեն միայն նրանով, որ մեր տղաները ծառայում են իրենց մոտ: Նա կոչ է արել ճանաչողական այցեր կատարել, որ երկու երկրների հանրությունները ճանաչեն միմյանց:
Անչափ հետաքրքիր է, որ իշխող քաղաքական ուժի ներկայացուցիչները մեկնում են Արցախ՝ միասնության կոչեր հղելու, սակայն փոխարենը հնչեցնում են «մենք–դուք» թեզեր: Այս ամենն այլևս չենք կարող համարել պարզ պատահականություն, սա նոր իշխանությունների քաղաքական գիծն է, երբ Արցախի և Հայաստանի հասարակությունների միջև բաժանարար գծեր անցկացնելով, փորձ է արվում «ձեռքերը լվանալ» Արցախից: Ամեն կերպ հասարակությանը մեսիջ է հղվում, որ Արցախը պետք է ինքնուրույն իր գլխի ճարը տեսնի, սոցիալական ցանցերում էլ տիրաժավորվում է գաղափարը, որ եթե խաղաղություն եք ուզում, մեզնից արյուն մի՛ պահանջեք: Հասկանալի է չէ՞, թե ինչպիսի վտանգավոր և պառակտիչ հետևանքներ կարող են ունենալ նման ձևակերպումները:
Եվ եթե հայաստանյան սեգմենտը այդքան դառնագին է ընդունում, օրինակ, Վիտալի Բալասանյանի հայտարարությունները, ինչո՞ւ նույն կերպ չի արձագանքում, երբ գրեթե նմանատիպ հայտարարություն էլ հնչում է իշխող քաղաքական ուժի լիդերներից մեկի շուրթերից: Չէ՞ որ Արցախում շատ լավ հասկանում և գնահատում են ստեղծված իրավիճակը և ընդամենը փորձում են քաղաքական դիվիդենտներ շահել պաշտոնական Երևանի սխալների վրա: Վիտալի Բալասանյանը և մյուսները ցանկանում են իրենց շուրջ համախմբել Արցախի ընտրողներին, որոնք չեն ցանկանում, որ իրենց կողմնորոշեն, թե ինչպես ընտրել: Ոմանք այդ մարդկանց զգացմունքների վրա կարող են խաղալ՝ ստիպելով նրանց քվեարկել «Երեւանի դեմ»…
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
