Սիրիայի նախկին դեսպանը մեղադրում է Ասադին քիմիական զենքի օգտագործման մեջ

Բաղդադում Սիրիայի նախկին դեսպան Նավաֆ Ֆարեսը հայտարարել է, որ կա Բաշար ալ-Ասադի ռեժիմի կողմից քիմիական զենքի օգտագործամն մասին տեղեկություն։ ֆարեսը այս հայտարարությունը արել է Perez BBC News-ին տված իր հարցազրույցում։

«Կա տեղեկություն, իհարկե՝ չհաստատված, այն մասին, որ Հոմսում մասնակի օգտագործվել է քիմիական զենքը», - ասում է դեսպանը։

Կոնկրետ երբ դա կարող էր տեղի ունենալ, դեսպանը չի պարզաբանել։ Պարզ չէ նաև, խոսքը Հոմս քաղաքի մասին է, թե՝ համանուն գավառի։

Դեսպանը նաև հայտարարել է, որ Ասադի վարչակարգը կօգտագործի քիմիական զենքը, եթե հայտնվի փակուղում։

Ըստ Ֆարեսի, սիրիական կառավարությունը երկրում կազմակերպում է պայթյուններ՝ համագործակցելով «Ալ Քաիդա» միջազգային ահաբեկչական կազմակերպության հետ։

«Այս ռեժիմը միջոցներ է փնտրում Սիրիայի ժողովրդին ահաբեկելու համար», - ասում է դեսպանը։

Նախկինում սիրիական իշխանությունների՝ քիմիական զենք օգտագործելու մասին տեղեկություններ չէին հաղորդվում։ The Wall Street Journal-ը, վկայակոչելով ամերիկյան պաշտոնյաներին, հաղորդում էր միայն, որ կառավարական ուժերը քիմիական զենքը դուրս են բերում պահեստներից։ Այդ գործողությունների նպատակը հստակ չէր։ Ըստ մի վարկածի, իշխանությունները ընդամենը ցանկանում էին թույլ չտալ, որպեսզի այդ զենքը ընկնի ապստամբների ձեռքը։

«Ալ Քաիդա» միջազգային ահաբեկչական կազմակերպության և Ասադի ռեժիմի համագործակցության մասին ևս ոչինչ հայտնի չէ։ Ավելին, մինչ այս համարվում էր, որ «Ալ Քաիդան» դեմ է Ասադին։ Ինչպես հայտարարել է ՄԱԿ-ի Գլխավոր քարտուղար Բան Կի Մունը, այս խմբավորման ահաբեկիչները մայիսի 10–ին հարձակումներ են իրականացրել Դամասկոսում սիրիական հետախուզության շտաբի դիմաց, երկու պայթյունի արդյունքում զոհվեց 55 մարդ, 372-ը՝ վիրավորվեց։