Կառավարության ֆեյքերը անգո՞րծ կմնան
Վերլուծական
Կառավարության այսօրվա նիստում վարչապետ Նիկոլ Փաշինյանը՝ անդրադառնալով գազի թանկացման շուրջ սոցիալական ցանցերում շրջանառվող տեղեկություններին ու մեկնաբանություններին, հայտարարել է, որ թեև մեր երկրում խոսքի եւ տեղեկատվության ազատությունը երաշխավորված է, բայց եթե որոշ հանցավոր շրջանակներ միլիոններ են ծախսելու սոցիալական ցանցերում, լրատվամիջոցներում հասարակական կարծիքի մանիպուլյացիաներ անելու համար, դա արդեն ազգային անվտանգության խնդիր է և հույս է հայտնել, որ ԱԱԾ-ն կկարողանա այս հարցում ապահովել կոնկրետ արդյունքներ: Անցած տարվա նոյեմբեր ամսին էլ Փաշինյանը հայտարարում էր, որ ընտրությունների նախօրեին նախարարների պաշտոնակատարների դեմ արշավն իրականացնում են հիմնականում ֆեյքերը, փորձելով ստվերել նրանց գործունեությունը: Ինչպես ասում են՝ մեղավոր են միայն ֆեյքերը:
Լրատվամիջոցներում ամիսներ առաջ հրապարակել էին իշխանությանը սատարող ֆեյք օգտատերերի տվյալները; հրապարակման հեղինակների խոսքով, հանրային բարձր աջակցության իմիտացիա ստեղծելու համար Նիկոլ Փաշինյանը կամ իր կողմնակիցները ստեղծել են 2000-ից ավել կեղծ հաշիվներ, որոնք հավանում և մեկնաբանում են վարչապետի հրապարակումները, իսկ հարկ եղած դեպքում՝ տարածում դրանք: Իհարկե, հրապարակած ողջ ցանկը չենք կարող արժանահավատ համարել, սակայն հետաքրքիր դեմքեր, այնուամենայնիվ, այնտեղ կային: Կեղծ օգտահաշիվների հիմնական գործառույթը Նիկոլ Փաշինյանի էջում հավանումների, մեկնաբանություններ գրելու և նյութերը տարածելու միջոցով հանրային բարձր աջակցության իմիտացիա ապահովելն է: Եվ հիմա, երբ Փաշինյանը ԱԱԾ միջոցով պատրաստվում է պատերազմ հայտարարել ֆեյքերին, արդյո՞ք այդ թրի տակով անցնելու են նաև իրեն գովերգող ֆեյքերը, թե՞ միայն ընդդիմախոսները, որոնք օր ու գիշեր ջանք ու եռանդ չեն խնայում Փաշինյանի և իր թիմի արած գործերը ջուրը թափելու և վերջիններիս ազգանվեր ծառայությունը նսեմացնելու համար…
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
