ԼՂՀ-ում ընտրողների թիվն այս պահին 98 հազար 900 է
Արցախ
Լեռնային Ղարաբաղի Հանրապետությունում երեկ հրապարակված տվյալների համաձայն ընտրողների թիվը կազմում է 98 հազար 900: Այս մասին Lurer.com-ի հետ զրույցում ասաց ԼՂՀ ԿԸՀ ներկայացուցիչ Ռայա Նազարյանը։
Հարցին, թե ցուցակներում անճշտությունների հետ կապված դիմումներ կա՞ն, ԼՂՀ ԿԸՀ ներկայացուցիչն ասաց. «Կան հարցեր, երբ մեկի անունը չի լինում, մեկինը սխալ է լինում, բայց բոլորը տեղում ուղղում են»։
Ռայա Նազարյանի խոսքերով, նախագահի թեկնածուների կողմից ցուցակներում խախտումների վերաբերյալ գրավոր կերպով դիմուներ, բողոքներ չկան։ «Չէ, այդպիսի բաներ չկան։ Մեզ մոտ լիազոր մարմինները լրիվ ստուգում են՝ մահացածներին հանում։ Չեմ ասում 100 տոկոսանոց, դժվար է 100 տոկոսանոց ճշգրտումը, բայց ցուցակները ճշտվում են»։
Հիշեցնենք, որ ԼՂՀ նախագահի հուլիսի 19-ին կայանալիք ընտրություններում պայքարում են երեք անկուսակցական թեկնածուներ՝ ԼՂՀ գործող նախագահ Բակո Սահակյանը, Հայաստանի պետական ագրարային համալսարանի Ստեփանակերտի մասնաճյուղի ուսումնագիտական աշխատանքների գծով փոխտնօրեն Արկադի Սողոմոնյանը, ԼՂՀ ԱԺ պատգամավոր Վիտալի Բալասանյանը:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
