13 բժիշկ-մասնագետ է ուղեգրվել ՀՀ մարզեր

Մարզային բժշկական հաստատություններն անհրաժեշտ կադրերով ապահովելու, տեղի բնակչության բուժօգնությունը պատշաճ կազմակերպելու նպատակով ՀՀ առողջապահության նախարարի 2008 թվականի մայիսի 6-ի N 610-Ա հրամանով, հաստատված կարգի համաձայն, 2011 թվականի ընթացքում ՀՀ մարզերի բժշկական կազմակերպություններ ժամանակավոր ուղեգրվել է 19 բժիշկ-մասնագետ: ՀՀ Արագածոտնի, Լոռու, Գեղարքունիքի, Սյունիքի, Վայոց Ձորի, Տավուշի մարզեր ժամանակավոր աշխատանքի են մեկնել անեսթեզիոլոգ-ռեանիմատոլոգներ, վիրաբույժներ, ներզատաբան, մանկաբարձ-գինեկոլոգներ, ուրոլոգներ, շտապ օգնության բժիշկ:

2012 թվականի ընթացքում ՀՀ մարզերի բժշկական կազմակերպություններ ժամանակավոր ուղեգրվել է 13 բժիշկ-մասնագետ: Ներկայացված հայտերի համաձայն՝ ՀՀ Արագածոտնի, Լոռու, Սյունիքի, Վայոց Ձորի մարզեր ժամանակավոր աշխատանքի են ուղեգրվել անեսթեզիոլոգ-ռեանիմատոլոգներ, վիրաբույժներ, մանկաբարձ-գինեկոլոգներ, շտապ օգնության բժիշկներ, բժիշկ-ռեանիմատոլոգներ: