Այսօր Արցախում լռության օր է
Արցախ
Այսօր Արցախում լռության օր է: Լռելու են ոչ միայն նախագահի թեկնածուները, այլև լրատվամիջոցները՝ ոչ մի քարոզչական նյութ հեռուստառադիոեթերում և մամուլում:
Իսկ վաղը՝ հուլիսի 19-ին, Արցախում տեղի են ունենալու նախագահական ընտրությունները: Նշենք, որ Արցախի նախագահական ընտրությունների նախընտրական քարոզարշավը մեկնարկել է հունիսի 20-ի ժամը 00.00-ից և կավարտվել հուլիսի 17-ի ժամը 24.00-ն: Ընտրարշավի ընթացքում յուրաքանչյուր թեկնածու, ըստ սահմանված կարգի, իրավունք է ունեցել օգտվել հանրային հեռուստատեսության և հանրային ռադիոյի եթերաժամերից ոչ ավելի, քան 30-ական րոպե անվճար և ոչ ավելի, քան 80-ական րոպե՝ վճարովի հիմունքներով:
Հիշեցնենք, որ Արացախի նախագահի պաշտոնի համար պայքարում են՝ գործող նախագահ Բակո Սահակյանը, ԼՂՀ պաշտպանության նախկին փոխնախարար, ԼՂՀ ԱԺ պատգամավոր Վիտալի Բալասանյանը և անկուսակցական Արկադի Սողոմոնյանը: Նշենք, որ նախագահի թեկնածու, թոշակառու Վալերի Խաչատրյանը հուլիսի 10-ին ինքնաբացարկ է հայտնել:
ԼՂՀ ԿԸՀ-ից տվյալներով, ընտրողների թիվը 98,909 է: Արցախում բացվել է 274 ընտրատեղամաս, որոնցից մեկը՝ ՀՀ-ում ԼՂՀ ներկայացուցչությունում:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
