ԱՄՀ-ն տնտեսական աճի ցածր ցուցանիշներ է արձանագրել

Արժույթի Միջազգային Հիմնադրամը (ԱՄՀ) նվազեցրել է համաշխարհային տնտեսական աճի տեմպերը:

ԱՄՀ-ի մասնագետները գլխավոր վտանգները տեսնում են ԱՄՆ-ի և եվրագոտու ֆինանսական անկայունության մեջ: Այս տարվա 3.6% համաշխարհային տնտեսական աճի ցուցանիշը ապրիլին նվազեցվել է 0.1%-ով: Ըստ ԱՄՀ-ի մասնագետների, 2013թ.-ին համաշխարհային տնտեսությունը կաճի 3.9%-ով՝ նախկին 4.1%-ի փոխարեն: 2012թ.-ի վերջում զարգացած երկրների տնտեսական աճի ցուցանիշները կլինեն 1.4%, իսկ 2013 թ.ին՝ 1.9%: ԱՄՆ-ի տնտեսության համար տվյալ ցուցանիշը կկազմեն համապատասխանաբար 2.0% և 2.3%: Չինական տնտեսական աճի ցուցանիշն այս տարի 8.2%-ից նվազեցվել է մինչև 8.0%:

Ըստ ԱՄՀ-ի մասնագետների, 2013թ-ին Չինաստանի ՀՆԱ-ի մակարդակը կմեծանա 8.5%-ով: Եվրագոտու ՀՆԱ-ն, ինչպես և սպասվում էր, այս տարի կնվազի 0.3%-ով: 2013թ-ին տեղական ՀՆԱ-ի մակարդակի աճը կլինի 0.7%՝ նախկին 0.9%-ի փոխարեն: Ամենավատ իրավիճակում են հայտնվելու Իտալիան և Իսպանիան, որոնց տնտեսական աճի ցուցանիշները կկրճատվեն համապատասխանաբար 1.9% և 1.5%-ով: