Ճապոնացի գիտնականը 19 տարի շարունակ կեղծ հոդվածներ է հրապարակել

Ճապոնացի գիտնական Յեն Ֆուձիին 19 տարի շարունակ գրել և հրապարակել է հոդվածներ, որոնց բովանդակությունն իրականության հետ ոչ մի կապ չունի:

Իր ուսումնասիրությունների արդյունքները գիտնականը պարզապես «վերցրել է օդից»: Կեղծման փաստը հայտնաբերվել է լայնածավալ հետաքննության արդյունքում, ինչի համար հիմք է հանդիասացել մեկ այլ գիտնականի կողմից հերքող հոդվածը: Մինչև 2012-ը Ֆուձիին աշխատել է Սոհո համալսարանում: Նրան հաջողվել է հրապարակել 172 կեղծգիտական հոդված: Միայն վերջերս Ճապոնիայի Թմրաբանների միության անդամներից կազմվեց հանձնաժողով, որն էլ բացահայտեց, որ բժիշկը որևէ հիվանդի համար դեղորայք դուրս չի գրել: Ճապոնացու կեղծ հոդվածների ցանկն այնքան մեծ է, որ այժմ ամսագրերը պատրաստվում են ետ կանչել գիտական տպագրության պատմության մեջ մեկ հեղինակի կողմից հրատարակված հոդվածների այս ռեկորդային քանակությունը: Ինքը՝ ռեկորդակիրը, հրաժարվում է շփվել մամուլի հետ:

Հետաքննությունը սկսվել է այն բանից հետո, երբ 2012-ի մարտի 8-ին Anaesthesia պարբերական հայտնվեց հոդված, որը կասկածի տակ դրեց Ֆուձիի մի շարք գիտական հետևություններ:

Գիտական ամսագրերի խմբագրությունները դիմել են Ճապոնիայի յոթ գիտական ինստիտուտների, որտեղ ֆուձիին, իբր, իրականացրել է իր հետազոտությունները՝ խնդրելով տեղեկատվություն տրամադրել թմրաբանի աշխատանքի վերաբերյալ:

Ոչ մի ինստիտուտ չկարողացավ պատմել գիտնականի մասին: Հանձնաժողովը ուսումնասիրել է Ֆուձիի 249 հայտնի աշխատանքներից 212-ը և պարզել, որ դրանցից 172-ը պարունակել են կեղծ տվյալներ: Դրանցից միայն երեքը կարելի էր համարել հավաստի: Մնացած 37 տեքստերի հետ կապված գիտնականի կոլեգաները վերջնական որոշում չկարողացան կայացնել: