Ֆրանսիայի կառավարությունը դժգոհություն է հայտնել Peugeot ընկերությանը

Ֆրանսիայի արդյունաբերության նախարար Առնո Մոնտեբուրը դիվիդենտներ վճարելու համար բացատրություն է պահանջել Peugeot ընկերությունից: Նա ասել է, որ Peugeot ընկերությունը ստիպված կլինի բացատրություն տալ, թե ինչու է սկսել դիվիդենտներ վճարել, երբ գտնվում է ֆինանսական դժվարությունների մեջ:

Նախկինում Peugeot ընկերությունը հայտնել էր ընկերության աշխատողների թվաքանակը 8,000-ով կրճատելու և Օլնե քաղաքի գործարանը փակելու մասին: Այսօր ընկերության գործառնական վնասները ամեն ամիս կազմում են 200 մլն եվրո:

Ընկերության ղեկավար Ֆիլիպ Վարենը նշում է, որ բացի Peugeot ընկերությունից, մյուս մեքենաշինական ընկերությունները նույնպես կարող են իրենց ծախսերը կրճատել, նույնիսկ՝ դադարեցնել արտադրությունը: Նա նշում է, որ տվյալ քայլերին է գնացել ընկերության գործունեությունն ապահովելու համար:

Ֆրանսիական կառավարությունը խոստացել է հատուկ միջոցների դիմել՝ պահպանելու երկրի մեքենաշինության ոլորտը:

Peugeot Citroen ընկերությունը Volkswagen-ից հետո համարվում է Եվրոպայի երկրորդ ամենամեծ ավտոարտադրողը: