Պայթեցվել են Սիրիայի Պաշտպանության նախարարը և փոխնախարարը
Մերձավոր Արևելք
Սիրիայի Պաշտպանության փոխնախարար Ասիֆ Շավքաթը, ով Սիրիայի նախագահ Բաշար Ասադի քրոջ ամուսինն է, սպանվել է Դամասկոսում մահապարտ ահաբեկչի կողմից իրականացրած պայթյունի պատճառով, հաղորդում են սիրիական ԶԼՄ–ները։ Ավելի վաղ հայտնի է դարձել, որ պայթյունի պատճառով սպանվել է նաև Սիրիայի Պաշտպանության նախարար Դաուդ Ռաջիհան։
Մահապարտ ահաբեկիչն իրեն պայթեցրել է Սիրիայի Ազգային անվտանգության շենքի առջև, որտեղ այդ պահին ընթացել է նախարարների և այլ պաշտոնյաների համատեղ խորհրդաժողով։
Ըստ BBC–ի, պայթյունի պատճառով վիրավորվել են Սիրիայի հետախուզության ղեկավար Հաշիմ Բեհթիարը։
Ինչպես հաղորդում է Alarabiya-ն, որ հանդես է գալիս սիրիական զինված ընդդիմության կողմից, Հանրապետական գվարդիայի մարտիկները շրջափակել են այն թաղամասը, որտեղ տեղակայված է կառավարական «Աշ Շամի» հոսպիտալ, ուր և տեղափոխվել են ահաբեկչության արդյունքում տուժածները: «Հեզբոլահ» շարժմանը ենթակա Լիբանանյան «Ալ Մանար» հեռուստաալիքը, որը աջակցում է Սիրիայի իշխանություններին, հայտնել է, որ վիրավորվել է նաեւ հանրապետության ներքին գործերի նախարարության ղեկավար Մուհամեդ Իբրահիմ աշ Շահարը:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
