Ռուսաստանի դեսպանը պատասխանում է Թուխիկյանին․ ռուսական TV-ներում չկա հակահայկական հռետորիկա
ՌուսաստանТАСС լրատվական ծառայության փոխանցմամբ, Հայաստանում ՌԴ Դեսպան Սերգեյ Կոպիրկինը, մեկնաբանելով ԱԺ «Իմ քայլը» խմբակցության պատգամավոր Նարինե Թուխիկյանի՝ ռուսական որոշ ԶԼՄ-ների գործունեության սահմանափակման անհրաժեշտության վերաբերյալ հայտարարությունը, ասել է․ «Ռուսական հետուստաալիքներում չկա նպատակաուղղված հակահայկական հռետորիկա»։
«Չեմ կարող ասել, որ հետևում եմ ռուսական հեռուստաալիքների բոլոր հաղորդումներին, բայց և այնպես, չեմ կարծում, որ կարող է խոսք գնալ հակահայկական հռետորիկայի մասին։ Կարող են հնչել որոշ կարծիքներ, որոշ գնահատականներ, որոնք համարվում են տվյալ մարդկանց սուբյեկտիվ կարծիքը։ Ինչ վերաբերում է հայկական թեմատիկայի լուսաբանմանը ռուսական ԶԼՄ-ներում, նշեմ, որ դրանք չի կարելի համարել հակահայկական»,-նշեց դիվանագետը։
Հիշեցնենք, որ ապրիլի 10-ին Նարինե Թուխիկյանը նշեց, որ որոշ ռուսական հեռուստաընկերություններ հեռարձակում են հակահայկական հաղորդումներ և մատնանշեց Հայաստանում դրանց հեռարձակման սահմանափակման կարևորությունը։ Ի պատասխան՝ Ռադիո և հեռուստատեսության մշտական հանձնաժողովի նախագահ Տիգրան Հակոբյանը ռուսական հեռուստաալիքների հեռարձակաման սահմանափակումը համարեց ոչ նպատակահարմար։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
