«Քադիմա» կուսակցության դուրս գալը Նեթանյահուի կոալիցիան թողնում է ներքին հակամարտության մեջ. Time

Իսրայելական «Քադիմա» կուսակցությունը, որը Քնեսեթում ունի ամենաշատ մանդատները, քվեարկել է իշխող կոալիցիայի կազմից դուրս գալու օգտին, որին կուսակցությունը միացել էր 10 ամիս առաջ,- գրում է Time–ը։ 

Աջամետ «Քադիմա» կուսակցությունը, որը մայիսին հանդես էր եկել իշխող կոալիցիայի ղեկավար Բենիամին Նեթանիահուի՝ Իսրայելում արտահերթ խորհրդարանական ընտրություններ անցկացնելու նախաձեռնության օգտին, ձայների մեծամասնությամբ հաստատել է ընդդիմադիր դաշտ վերադառնալու մասին։ Կուսակցության ղեկավարությունը նման քայլի է դիմել այն բանից հետո, երբ Նեթանիահուն նախընտրել էր աջակցել կրոնական կուսակցությունների վերաբերյալ Քնեսեթում օրինագիծ ներկայացնելու հարցում՝ առաջարկելով վերացնել ուղղափառ հրեաներին ոչ պարտադիր զինվորական ծառայության մեկնելու արտոնությունը։ 

Կոալիցիայից «Քադիմա»–ի դուրս գալն արտահերթ ընտրությունների պատճառ չի դառնա։ Նեթանիահուի գլխավորած կոալիցիան Քնեսեթում շարունակում է մեծամասնություն կազմել։ «Թեև մյուս կողմից այդ որոշումը ավելի թույլ և խոցելի է դարձնում իշխող կոալիցիային՝ ընդդիմադիր ազգային և կրոնական ուղղվածություն ունեցող կուսակցությունների հետ պայքարում, որոնք հակառակ դրույթները կարող են ներառել այդ օրինագծում», – նշում է հոդվածագիր Կատլ Վիկը։ Ըստ վերլուծաբանների՝ կոալիցիայի հույսը աջամետ «Քադիմա» կուսակցությունն է, որի հետ հնարավոր է փոխզիջումային տարբերակ գտնել։ 

«Արտահերթ ընտրությունների հավանականությունը շատ մեծ է։ Այժմ, երբ «Քադիմա» կուսակցությունը դուրս է եկել կոալիցիայից, Նեթանիահուն պետք է ընտրություն կատարի երկու կողմերի միջև, իսկ որ կողմին նա ընտրի, կկորցնի մյուս կողմին։ Այնպես որ, եթե նա չկարողանա երկարատև աճպարարական հնարքի դիմել, ապա չի կարողանա իշխանությունը պահել», – նշել է Երուսաղեմի հրեական համալսարանի քաղաքագետ Ռուվեն Հասանը։