Ի՞նչ նպատակով է ՔՊ «սորոսական» թևը խնդիրներ ստեղծում Փաշինյանի համար

 

 

Վերջին շրջանում էլ սորոսական թևը փորձում է ամեն կերպ խնդիրներ ստեղծել Նիկոլ Փաշինյանի համար, պատճառն էլ, թերևս, իրեն «քցված» զգալն է: Դատեք ինքներդ. սորոսական թևի ներկայացուցիչներն էին ԱԺ-ում տրանսգենդերին ամբիոնով ապահովողները, նրանք էին մարիխուանայի փառատոնի կազմակերպիչները, նրանք էին ուժայիններին թիրախավորողները, և վերջապես՝ նրանք էին, որ դաշտ գցեցին՝ Հայաստանում ռուսական հեռուստաալիքների փակման հարցը: Փաշինյանը ստիպված էր հրապարակայնորեն հերքել, որ Հայաստանը կարող է գնալ նման քայլի: Սա բացարձակապես չի նշանակում, որ Փաշինյանը չի կիսում սորոսական թևի մոտեցումները վերոնշյալ հարցերում: Ո՛չ: Սակայն Փաշինյանին այդ հարցերի և խնդիրների հանրայնացումը այսօր հարկավոր չէ, այդպիսով նա իրեն անմիջական հարվածի տակ է դնում: Եվ հենց այդ հանգամանքը քաջ գիտակցելով, սորոսական թևը պարբերաբար կսմիթներ է հասցնում վարչապետին: Իսկ ինչպե՞ս է պատասխանում ՔՊ, այսպես կոչված, նիկոլական թևը: Օրինակ, որոշ լուրերի համաձայն` մութ ամպեր են կուտակվում ԱԽ քարտուղար Արմեն Գրիգորյանի գլխավերևում, ով նույնպես ակնհայտ արևմտամետ գործիչ է: Այս համատեքստում ուշագրավ են նաև ԵՊՀ-ում ընթացող գործընթացները, երբ «Ռեստարտ» նախագիծը տանուլ տվեց հերթական «ճակատամարտը»: Հետաքրքիր է, թե մինչև երբ սորոսական թևը կփորձի խանգարել Փաշինյանին, և ի վերջո` ինչի՞ կարող է հանգեցնել նման հակասությունների խորացումը՝ իշխող քաղաքական ուժի ներսում: