28 ամյա միլիոնատերն իրեն այլևս «ժողովրդի ծառա» չի համարում
Վերլուծական
Պետական վերահսկողական ծառայության ղեկավարի տեղակալ Արգիշտի Քյարամյանը, անդրադառնալով իր ունեցվածքի մասին հարցին, այսօր հայտարարել է, որ երբևէ որևէ կլանային համակարգի մաս չի կազմել և իր ահռելի ունեցվածքի ծագման վերաբերյալ էլ չի պատրաստվում հանրային հաշվետվություն ներկայացնել: Ինչպես երևում է՝ թավշյա կադրերը շատ արագ ժողովրդի ծառայից վերածվեցին անհաշվետու և այդ նույն ժողովրդին վերևից նայող պաշտոնյաների: Հիշեցնենք, որ այս երիտասարդի հայտարարագրած ունեցվածքը կազմում է 32 մլն դրամ և 46 հազար դոլար: Քյարամյանը հասցրել է յուղոտ պաշտոն զբաղեցնել ՊԵԿ-ում, հասցրել է նույնիսկ Նորատուսցի Ալիկի գործով մեղադրող դատախազ լինել, այժմ էլ նրան կարծես թե հերթական բարձր պաշտոնն է սպասում:
Ավելի վաղ մամուլում գրվել էր, որ կառավարության աշխատակազմի ղեկավար Էդուարդ Աղաջանյանը ամեն գնով փորձում է ՊՎԾ ղեկավար դարձնել Դավիթ Սանասարյանի տեղակալներից հենց Արգիշտի Քյարամյանին։
Թե ինչպես է 28 տարեկան այս երիտասարդը, զբաղեցնելով պետական պաշտոններ, հաջողացրել կուտակել այդչափ մեծ ունեցվածք՝ դժվար է ասել, սակայն ինքը՝ Քյարամյանը պնդում է, որ իր ֆինանսական միջոցները հաշվելը հակասում է էթիկայի կանոններին: Վերջինս կարծես մոռանում է, որ պաշտոնյա է, ավելին՝ իր պաշտոնում նա հենց ուրիշների ֆինանսները հաշվելով է զբաղվելու: Ինչպես երևում է՝ նոր իշխանություները շատ արագ են ադապտացվել հետհեղափոխական Հայաստանի իրողություններին, իսկ հաշվետվողականությունը, խնամի-ծանոթ-բարեկամով գործի դասավորվելու ավանդույթի վերացումը և թափանցիկությունը պոպուլիզմի հերթական դրսևորումներն էին…
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
