Փաշինյանը փորձում է «պլստալ»
Վերլուծական
Վերջին օրերին կտրուկ փոխվել է վարչապետ Փաշինյանի հռետորաբանությունը երկրորդ նախագահ Ռոբերտ Քոչարյանի դեմ հարուցված քրեական գործի վերաբերյալ: Արդեն մի քանի անգամ Փաշինյանը հայտարարել է, որ եթե Քոչարյանի գործը ոչ իրավական է, գործընթացի նախաձեռնողները պատժվելու են:
Այս ամենից կարող ենք եզրակացություն անել` Մոսկվան ուժեղացնում է ճնշումը Փաշինյանի վրա, վերջինս էլ հետքայլ է անում` փորձելով բարդել պատասխանատվությունը իրավապահների վրա: Իրեն գործընթացից դուրս դնելուց հետո, Փաշինյանը հանգիստ կարող է ոչ իրավաչափ գործողությունների մեղքը բարդել քննչա–դատախազա-դատավորական կազմի վրա, շարունակելով մնալ ժողովրդավար և օրենքի տառին համապատասխան գործող ղեկավար:
Բացի այդ, վերջին օրերին վարչապետը ակտիվ շփվում է ռուսական լրատվամիջոցների հետ և իրեն դրսևորում որպես ռուսամետ գործիչ: Նա ջերմորեն խոսում է հայ-ռուսական կապերի մասին, շեշտում, որ Ռուսաստանի բարեկամը ոչ թե առանձին քաղաքական անհատներն են, այլ հայ ժողովուրդը: Մյուս կողմից, Փաշինյանը հասկանում է, որ նույն ջերմությունը ռուսական կողմից ակնկալելն այս պահի դրությամբ քաղաքական անհեռատեսություն է:
Ասվածի վառ ապացույցն է, օրինակ, վերջերս կայացած Լավրով-Մնացականյան զրույցը, որը, ըստ որոշ աղբյուրների, բավականին խիստ տոնայնությամբ է անցել` կապված Քոչարյանի շարունակական կալանքի հետ: Մի կողմից այս ճնշումը, մյուս կողմից՝ գիտակցությունը, որ իրապես այդ գործում «ջուրը» շատ է և վաղ թե ուշ՝ երկրորդ նախագահի դեմ հարուցված քրեական գործը կարող է շռնդալից կերպով քանդվել՝ փլատակների տակ թողնելով վարչապետի և նրա թիմի քաղաքական վարկանիշը, ստիպում է Փաշինյանին արդեն իսկ մտածել «քավության նոխազների» մասին: Իսկ այդ դերում, օրինակ, կարող է լինել գործող գլխավոր դատախազ Արթուր Դավթյանը, ումից, ի դեպ, Փաշինյանը դեմ չէր լինի ազատվել: Գագիկ Ջհանգիրյանը վկա…
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
