«Ժողովուրդ». Ծառուկյանի թիկնազորի պետին ոստիկանությունը հրավիրել է հարցաքննությա՞ն
Հայկական Մամուլ
Լավատեղյակ աղբյուրների հաղորդմամբ՝ ՀՀ ոստիկանությունը մի քանի օր է՝ «Բարգավաճ Հայաստան» կուսակցության առաջնորդ Գագիկ Ծառուկյանի թիկնազորի պետ Էդուարդ Բաբայանին հրավիրում է հարցաքննության, սակայն նա չի գնում: Ըստ այդ տեղեկությունների՝ Բաբայանը Ծառուկյանի մյուս թիկնապահների հետ միասին ժամանակին մարդ է ծեծել, իսկ 2008-ին նախագահական ընտրություններում ընտրատեղամասային ընտրական հանձնաժողովի անդամ, ՀԱԿ ներկայացուցիչ Լարիսա Թորոսյանին ծեծել և ձեռնաշղթաներով տարել է Աբովյանի աղբավայր, նետել այնտեղ: Թորոսյանը դեպքից հետո հիվանդություն է ձեռք բերել: Որքանո՞վ են հավաստի այս լուրերը:
«Ժողովուրդ»-ի հարցին Էդուարդ Բաբայանը պատասխանել է. «Սուտ է, ինձ ոչ ոք ոչ մի տեղ չի հրավիրել: Ես ընդհանրապես ոչ մի ծեծի հետ կապ չունեմ: Չեմ հասկանում, թե ինչի մասին է խոսքը: Եթե նման բաներ լիներ, կալանավորված կլինեի: Ամեն ինչ սուտ է»:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
