Ես երբևէ ընդդիմություն չեմ եղել և չեմ լինի. Արկադի Սողոմոնյան
Արցախ
Ժամը 12-ին ԼՂՀ նախագահի թեկնածու Արկադի Սողոմոնյանը տիկնոջ հետ քվեարկել է Ստեփանակերտի թիվ 4 ընտրատարածքում:
«Ես քվեարկել եմ Արցախի բարեկեցիկ ապագայի, արդարության և իրվական երկրի համար, իսկ Արցախի ապագան տեսնում եմ ավելի զարգացած»,- քվեարկելուց հետո լրագրողներին ասել է Արկադի Սողոմոնյանը:
Ընտրատարածքներում վստահված անձ գրեթե չունենալն Արկադի Սողոմոնյանը բացատրեց նրանով, որ այսօր իր կյանքում երկու կարևոր իրադարձություն կա, մեկն ընտրություններն են, մյուսը՝ մի քանի ժամից թոռնիկի ծնունդը, իսկ իր վստահված անձանց մի մեծ մասը այս պահին այդ գործով է զբաղված։
«Ընտրություններում պարտվողներ ու հաղթողներ չեն լինում, միշտ հաղթանակում է ժողովուրդը, եթե պարտվեմ, ապա կշարունակեմ իմ գործնեությունը՝ կյանքի կոչելով իմ ծրագիրը, որը համարում եմ համաժողովրդական։ Ես երբևէ ընդդիմություն չեմ եղել և չեմ լինի, պատրաստ եմ շնորհավորել այն թեկնածուին, ով կընտրվի երկրի նախագահ,- նշեց Արկադի Սողոմոնյանը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
