Դ. Մեդվեդև. «Ցանկացած կուսակցություն պետք է երկար ժամանակ մնա իշխանության ղեկին»

Ռուսաստանի նախագահ Դմիտրի Մեդվեդևն այսօր հայտարարել է, որ ութ տարի իշխանության ղեկին գտնվելն իշխող կուսակցության համար չի կարելի համարել երկարաժամկետ։ Կարևորն այն է որ այդ կուսկացության գործունեությունը համապատասխանի քաղաքացիների շահերին։

«Մենք ունենք «Единая Россия» իշխող կուսակցություն, որն արդեն 8 տարի է իշխող քաղաքական ուժ է, և դա այնքան էլ մեծ ժամանակ չէ», - ասել է ՌԴ նախագահը դաշնային լրատվամիջոցների ներկայացուցիչների հետ հանդիպման ժամանակ։

Միևնույն ժամանակ նախագահը հայտարարել է, որ ինքը համամիտ չէ միաբևեռ քաղաքական իշխանության ձևավորմանը։ «Մենք ունենք յոթ քաղաքական կուսակցություններ, և նրանց հաջողությունը կամ անհաջողությունը միայն ժողովուրդն է որոշում», - ասել է Մեդվեդևը։

Պատասխանելով լրագրողի հարցին՝ թե արդյո՞ք ժամանակը չէ երկրորդ իշխող կուսակցությունն ստեղծելու, ասել է. «Անհնար է ստեղծել ինչ-որ կուսակցություն, և ասել, թե դա արդեն երկրորդ իշխող կուսակցությունն է։ Ռուսաստանի ժողովուրդը պետք ընտրի իր կուսակցությունը և քվեարկի. Եթե այդպես չլինի, ապա դա ժողովրդավարության իմիտացիա կլինի»։

Մեդվեդևը նաև հայտարարել է, որ դեմ է շատ կուսակցությունների գոյությանը, և դրանք քաղաքացիներին ավելի է շեղում ճիշտ կողմնորոշվել, թե ո՞ր կուսակցությունն է ավելի լավ իր շահը ներկայացնում։  Հաղորդում է «Ռիա Նովոստի» լրատվական գործակալությունը։