Ուգո Չավեսը բարձրաձայնել է ռուսական կործանիչներ գնելու մտադրությունը

Վենեսուելայի նախագահ Ուգո Չավեսը հայտարարել է, որ ներկայումս երկրի իշխանությունները քննարկում են իր մտադրությունը ռուսական մի քանի ունիվերսալ Սու-35 կործանիչներ գնելու վերաբերյալ, հաղորդում է BBC-ն։

«Ես հաղորդագրություն եմ ուղարկել Ռուսաստանի կառավարությանը այն մասին, որ մենք ցանկանում ենք քննարկել մի քանի Սու-35 կործանիչ գնելու հնարավորությունը մեր երկրի պաշտպանությունը արդիականացնելու և ամրապնդելու նպատակով»,- հայտարարել է Վենեսուելայի նախագահը տեղական ռադիոյի եթերի ժամանակ։

Ընդ որում, Չավեսը չի պարզաբանել կործանիչների քանակը, որը ցանկանում են ձեռք բերել երկրի իշխանությունները։

Մոսկվան հանդիսանում է Վենեսուելայի սպառազինությունների հիմնական մատակարարը։