Թուրքիան մեկուսանում է. Կարեն Վերանյան

«Նորավանք» ԳԿՀ հիմնադրամի քաղաքական հետազոտությունների ղեկավար Կարեն Վերանյանը իր ֆեյսբուքյան էջում գրել է. 

«Թուրքիան մեկուսանում է.. 
Լարված են Վաշինգտոն-Անկարա հարաբերությունները, անորոշ են ԵՄ-ին Թուրքիայի անդամակցության հեռանկարները։ Տարածաշրջանում Էրդողանը խնդիրներ ունի տարածաշրջանային տերություններից Իսրայելի, վերջերս նաև՝ Սաուդյան Արաբիայի հետ։ Միանշանակ չեն Իրան-Թուրքիա հարաբերությունները։

Այսօր համեմատաբար հարթ է ընթանում թերևս միայն Մոսկվա-Անկարա համագործակցությունը։ 

Հ.Գ. Այդ ամենում էական հարցերից մեկը նա է, թե հայկական կողմը որքանով է օգտվում ստեղծված իրավիճակից, կամ օգտվում է արդյոք թե ոչ։ Քանի դեռ իրավիճակը չի շրջվել հակառակ տրամաբանությամբ, իսկ դա կարող է լինել ցանկացած պահի, անհրաժեշտ է պրագմատիկ լինել այդ հարցում»։