Նախարարությունն ընդունում է մամուլի հրատարակման պետական աջակցության հայտեր

ՀՀ մշակույթի նախարարությունը, ի գիտություն իրավաբանական անձանց, հայտնում է, որ 2013 թ. «Ոչ պետական մամուլի հրատարակում» ծրագրի պետական աջակցության ցանկը ձևավորելու համար ընդունում է մամուլի հրատարակման պետական աջակցության հայտեր, հաշվի առնելով ներքոհիշյալ ցուցանիշները.

1. թերթը կամ ամսագիրը, առնվազն վերջին երկու տարում հրատարակվում է պարբերաբար,
2. թերթը հրատարակվում է տարին առնվազն 12 համարով, իսկ ամսագիրը՝ 4:

Պետական աջակցությունը կտրամադրվի հետևյալ թեմատիկ ուղղություններով՝

• ազգային փոքրամասնությունների լեզվով լույս տեսնող մամուլ,
• մշակութային մամուլ,
• սպորտային մամուլ,
• այլ մամուլ,
• մարզային մամուլ:

Հայտերի ներկայացման կարգի համաձայն հայտատուն մամուլի հրատարակման պետական աջակցման համար ՀՀ մշակույթի նախարարության ենթակայությամբ գործող համապատասխան ստորաբաժանումում պետք է լրացնի հայտը, կցելով իր հրատարակած մամուլի վերջին երկու համարը և տարեկան ծախսերի նախահաշիվը:

Հայտերի ներկայացման վերջնաժամկետն է 2012 թ. օգոստոսի 15-ը: Ծանուցման պահանջներին չհամապատասխանող, ինչպես նաև ժամկետանց հայտերը չեն քննարկվում:

Հայտերը ներկայացնել ՀՀ մշակույթի նախարարության «Գրքի և հրատարակչական գործի կենտրոն» ՊՈԱԿ /հասցե՝ Երևան, Իսահակյան 28, հեռ.՝ 528610, 528600/: