Մնում է՝ ընդդիմությունը հաղթողին շնորհավորի. Ալեքսանդր Մանասյան

Այսօր լրագրողների հետ հանդիպման ժամանակ փիլիսոփայական գիտությունների դոկտոր, միջազգայնագետ Ալեքսանդր Մանասյանը անդրադարձավ Արցախի հանրապետության նախագահական ընտրությունների արդյունքներին։ Բանախոսն արձանագրեց, որ 47,085 ձայնով (66.70%) առաջատար է Բակո Սահակյանը։

Ընտրողների 22,966 ձայնով 2-րդ տեղում է Վիտալի Բալասանյանը (32.50%), իսկ երրորդ տեղում՝ Արկադի Սողոմոնյանը՝ 594 ձայն (0.90%):

Սա վկայում է այն մասին, որ գործող նախագահը վայելում է քաղաքացիների երկու երրորդի վստահությունը։Հաճախ միջազգային կառույցները հայտարարում են, որ ընտրությունները օրինական չեն անցնում, այդ իսկ պատճառով,  այդ կառույցներին մենք պետք է համարժեք քաղաքական պատասխաներ տանք,  հաղորդենք նրանց ընտրությունների օրինական անցնելու մասին։ Ժողովրդավարության գնահատման տարբեր վարկանիշներով Արցախն առաջ է Ադրբեջանից, այն էլ՝ շրջափակման պայմաններում։ Մենք գտնվելով այդ դրությունում արձանագրում ենք մեծ առաչընթաց։ Եթե Ղարաբաղը լիներ Ադրբեջանի կազմում, պետք է Եվրոպան պայքարեր, որպեսզի այն հետ բերեր։ Այս ընտրությունը կարող ենք արձանագրել, որ ևս մի քայլ է դեպի ճանաչում։ 

Այս ընտրություններից հետո Արցախի հանրապետությունում սպասվում են լարված պայքարի տարիներ, հանրապետությունը պետք է ընդգծված ձևով գործողություններ իրականացնի ճանաչման ուղղությամբ, նշում է Ալեքսանդր Մանասյանը։ Մնում է՝ ընդդիմությունը հաղթողին շնորհավորի և իր աջակցությունը հայտնի երկրի ղեկավարման հարցում, նրանք պետք  համախոհներ լինեն։ Կարծում եմ նաև այդ կետով Արցախը առաջադիմություն կցուցաբերի։ Շնորհավորենք հաջող ընտրությունների կապակցությամբ,– եզրափակեց քաղաքագետը։

 Ասուլիսի մյուս բանախոսը՝ Լարիսա Ալավերդյանը, հայտարարեց, որ Արցախի կարևորագուն խնդիրն է ինքնակառավարումը, չճանաչումը հենց ճանաչումն է։  Արցախում ընդդիմությունը ավելի քան երկու անգամ շատ ձայն է հավաքել, քան Հայաստանում ։Սա վկայում է այն մասին, որ ավելի ծանր պայմաններում գտնվող պետությունը կարողանում է ամրապնդել իր ժողովրդավարությունը։ Այսօր Ադրբեջանում տարածված  է ռասիզմը, լրագրողների, փոքրամասնությունների, իրավաբանների, իրավապաշտպաների հանդեպ ճնշումները, իսկ Արցախում գոնե իմ ուսումնասիրած վերջին երկու տարվա ընթացքում այդպիսի դեպքեր չեմ գրանցել, սա  քաղաքակիրթ մի գործոն է, որը պետք է ճիշտ մատուցել միջազգային ատյաններին։ Արցախյան հարցը ճիշտ չենք ներկայացնում, այդ պատճառով շատերն հաճախ ձեռնպահ են մնում,– եզրափակեց բանախոսը։