Հայկ Սարգսյանի «արջի ծառայության» գինը

 

Իմքայլական պատգամավորի մղումը, իհարկե, հասկանալի է, սակայն այստեղ կա երկու «բայց»: Առաջինը՝ նման չհաշվարկված քայլերը «արջի ծառայություն» են առաջին հերթին իրենց իսկ քաղաքական լիդերին, ով օր ու գիշեր խոսում է դատական համակարգի անկախության, ճնշումների բացակայության մասին: Նման գրառումը պարզապես ջուր է լցնում Ռոբերտ Քոչարյանի փաստաբանների ջրաղացին, ովքեր, ի դեպ, արդեն իսկ հանդես են եկել հրատապ հայտարարությամբ՝ պահանջելով անհապաղ քրեական գործ հարուցել, և Հայկ Սարգսյանի այս քայլը որակել իբրև սահմանադրական կարգի տապալման փորձ և ուղղակի ճնշում դատարանի վրա: Երկրորդը՝ նման քայլով պատգամավորը ևս մեկ անգամ ապացուցեց այն մտայնությունը, որը առկա է հանրության մի ստվար զանգվածի մոտ, առ այն, որ Փաշինյանի թիմն ունի լուրջ մտահոգություններ, եթե չասենք՝ վախեր՝ կապված Ռոբերտ Քոչարյանի հավանական ազատման հետ: Բացի այդ, ակնհայտ է դառնում այն փաստը, որ մի շարք մարդիկ այդպես էլ պատգամավոր չդարձան՝ մնալով ռուպոռ և ջրի շիշ բռնողի հոգեբանության մեջ և չգիտակցելով իրենց քայլերի հետևանքները իրենց և իրենց քաղաքական թիմի համար: