Արմավիան չի արձագանքում Սփյուռքի նախարարությանը

Սիրիահայ գրող Տիգրան Գաբոյանն այսօր լրագրողների հետ հանդիպման ժամանակ խոսեց ներկա պատերազմական իրավիճակում սիրիհայ համայնքի մասին։ Բանախոսի տվյալներով մինչև հիմա զոհվել են երեք սիրիահայ զինծառայող, և երեք քաղաքացի՝ պայթունների հետևանքով։ Սերգեյ Գաբոյանը պահանջում է, որ հայրենիքը հնարավորինս մեծ ուշադրություն դարձնի սիրիահայերի խնդիրներին։ Հարկավոր է մեծացնել չվերթների թվաքանակը, էժանացնել տոմսերի արժեքը և հեշտացնել վիզաների հարցը, որպեսզի առաջացած խուճապում ժողովուրդը կարողանա վերադառնալ Հայաստան։

Բանախոսը նշեց նաև, որ Սփյուռքի նախարարությունը, արձագանքելով այս խնդիրներին, մեկ շաբաթ առաջ նամակ է ուղղել ազգային փոխադրող «Արմավիա» ավիաընկերությանը խնդիրներին լուծում տալու համար։ «Արմավիան» դեռևս չի արձագանքել։