Սիրիական զինված ուժերը վերականգնել են Դամասկոսի Մայդան թաղամասի վերահսկողությունը

Սիրիական զորքերը վերկանգնել են Սիրիայի մայրաքաղաքի հարավային մասում գտնվող Մայդան թաղամասի վերահսկողությունը. այն իրենց ձեռքերում էին պահում զինյալները, հաղորդում է «Սուրիա» հեռուստաընկերությունը։

Հիշեցնենք, որ Դամասկոսում և նրա շրջակայքում մինչ օրս դաժան փոխհրաձգություն է: Al Arabiya հեռուստաընկերությունը հաղորդում է, որ զինյալները հարձակվել են ԶՈՒ հետախուզական շտաբերի վրա: Քաղաքի կենտրոնում գտնվող Հալեդ իբն Վալիդ փողոցում հրդեհվել և կողոպուտի ենթարկվել Դամասկոսի Ռիֆ-Դիմաշկ թաղամասի ոստիկանության վարչության շենքը: Հարձակման էր ենթարկվել նաև Թել արվարձանի անվտանգության վարչությունը:

Առավոտից ընդդիմադիր աղբյուրներից տեղեկություններ են հաղորդվում առ այն, որ Սիրիական ազատ բանակի զինյալներն իրենց վերահսկողության տակ են առել Ռուքն-էդ-Դին ի Բերզի թաղամասերը, որտեղ բնակվում են մեծ քանակությամբ քրդեր: