Եգիպտոսի նոր կառավարությունը կձևավորվի առաջիկա երկու օրերին
Մերձավոր Արևելք
Եգիպտոսում նոր կոալիցիոն կառավարությունը կարող է հայտարարվել առաջիկա 48 ժամերի ընթացքում, այսօր այս մասին հայտնում է եգիպտական հեռուստատեսության կայքը՝ վկայակոչելով տեղեկացված աղբյուրներին:
Կառավարության ձևավորման ձգձգումը կապված է նրա ղեկավարի անձի հետ կապված ինտենսիվ խորհրդատվությունների հետ: Աղբյուրները նշում են, որ վարչապետի պաշտոնի համար ամենահավանական թեկնածուն Մահմուդ Աբու ալ-Ույունն է, որը Եգիպտոսի Կենտրոնական բանկի ղեկավարներից մեկ է:
Ըստ լրատվամիջոցների հաղորդումների, Ազատության և արդարության կուսակցությունը, որը ստեղծվել է «Մուսուլման եղբայրների» կողմից, չի պատրաստվում կենտրոնացնել իր ձեռքում առանցքային նախարարությունները և կփոխանցի դրանք տեխնոկրատներին: Խոսքը, մասնավորապես, Եգիպտոսի արտաքին գործերի նախարարության և ներքին գործերի նախարարության մասին է: Իսկ իսլամիստները կստանան կոալիցիոն կաբինետի պորտֆելների ընդամենը կեսը՝ միայն 8-10 նախարարություն՝ ընդհանուր 30-ից:
Նշենք, որ Եգիպտոսում նախարարների նոր կաբինետի ձևավորման մասին խորհրդատվությունները ընթանում են արդեն մոտ մեկ ամիս: Լրատվամիջոցները հաղորդում են, որ կառավարությունը կարող է թարմացվել ավելի քան 90%-ով: Տեղեկություն կար նաև այն մասին, որ գործող կաբինետի առավել ազդեցիկ նախարարները հրաժարվում են աշխատել նոր նախագահի հետ:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
