Սեքսի մասին անհեթեթ օրենքների շարք

Աշխարհի բազմաթիվ երկրներում գոյություն ունեն զարմանալի օրենքներ, որոնք չգիտես ինչու կոչված են կարգավորելու մարդկանց կյանքի ամենաինտիմ կողմը:

Օրինակ՝ ԱՄՆ-ի Քոնեքթիքութ նահանգում չի կարելի սեքսով զբաղվել ցերեկային լույսի ներքո, իսկ Դելավերում, հակառակը՝ մթության մեջ: Ալյասկա նահանգում եղջերուներին «արգելված է» բեղմնավորվել քաղաքային փողոցներում, իսկ Մալայզիայում փողոցում համբուրվելու պատճառով կարող եք հայտնվել բանտում:

Մեծ Բրիտանիայում խուսափեք սիրախաղից. անծանոթ կնոջը սեքսով զբաղվելու առաջարկություն անողին սպառնում է 180 հազար եվրո տուգանք կամ 3 ամսվա ազատազրկում: Հետաքրքրական է, որ նման առաջարկությամբ տղամարդուն դիմելու դեպքում պատիժ սահմանված չէ:

Կաթոլիկ Իռլանդիայում մինչև 1993 թվականն արգելված էր պահպանակների ներկրումը: Այդ երկրի իշխանությունների կարծիքով՝ սեքսը բացառապես սերունդը շարունակելու համար է: Մինչ օրս էլ հակաբեղմնավորիչներն այստեղ շատ թանկ են: Սեքսին վերաբերող ամենաանհեթեթ ու տարօրինակ օրենքները գործում են ԱՄՆ-ի տարածքում: Դրանք տարբերվում են նահանգից նահանգ: Օրեգոնում խիստ պատժվում է սեռական ակտի ժամանակ հայհոյելը, եթե նույնիսկ հայհոյանքը ձեզ ու ձեր զուգընկերոջը գրգռում է, ավելի լավ է լռեք, որ հարևանները չլսեն: Այս նահանգի բնակիչները զրկված են ևս մեկ հաճույքից. նույնիսկ սեփական տանը նրանք չեն կարող մերկ ման գալ, որպեսզի լուսանկարներից ու դիմանկարներից իրենց նայող հանգուցյալների հոգիներին չվիրավորեն:

Իսկ Մինեսոտայի կանանց բախտը բերել է. ոչ մի տղամարդ իրավունք չունի նրանց հետ անկողին մտնել, եթե սխտորով, սոխով ու ձկան հոտով է բուրում: Դա արգելված է օրենսդրորեն: Կարելի է նախանձել Նեբրասկայի բնակչուհիներին, որտեղ տղամարդկանց արգելված է կեղտոտ սպիտակեղենով սիրով զբաղվելը: Ո՛չ մի «հոտավետ» գուլպա կամ ոչ թարմ վարտիք: Եթե ամուսինը չի կատարում այդ պահանջները, նրան նույնիսկ կարելի է դատի տալ:

Յուտայում արգելված է անգիտակից վիճակում գտնվող մարդու հետ սեռական շփումը, հատկապես եթե նրան պետք է վերակենդանացնեն կամ վիրահատեն: Մի զավեշտալի օրենք էլ Յուտայից, որը կարգավորում է սեռական ու ամուսնական հարաբերությունները. մոտիկ հարազատները միմյանց հետ կարող են ամուսնանալ միայն 65 տարեկանից հետո:

Ամերիկայի շատ նահանգներում պահպանվել են կենդանիների հետ սեքսը կարգավորող օրենքներ: Մնում է երևակայել, թե ինչ հանգամանքներ են հանգեցրել նման օրենքներ ընդունելուն: Ֆլորիդայում, օրինակ, արգելված է սեռական կապի մեջ մտնել վարազի հետ, Մինեսոտայում՝ թռչունների, իսկ Քոնեքթիքութում՝ 18 կգ-ից բարձր քաշ ունեցող կենդանիների հետ: Ստացվում է, որ քաշի նշաձողը չգերազանցող ցանկացած կենդանու կարելի է օգտագործել սեռական հաճույքի համար:

Կալիֆոռնիայում կատուն շան հետ հատուկ թույլտվություն ստանալուց հետո միայն կարող են զբաղվել սիրով: Բնականաբար, փաստաթուղթը ձևակերպում են նրանց տերերը: Իսկ Տեքսասում գործող օրենքի համաձայն, խոզերին արգելված է օդանավակայանի տարածքում սիրային հաճույքներին տրվելը: