Չուբայսը չի ընտրելու

«Роснано» ընկերության ղեկավար Անատոլի Չուբայսը երեկ իր բլոգում գրել է, որ ինքը չի պատրաստվում մասնակցել ընտրություններին: Նրա կարծիքով այժմ չարժե ինչ-որ մեկի համար հենց այնպես քվեարկել:

Իր բլոգում արած հայտարարության տակ գրված մեկնաբանություների մեծ մասը վերաբերել է նրան, թե Չուբայսը ի վերջո ինչու չի մասնակցելու ընտրություններին: Վերջինս պատասխանել է հետևյալ կերպ. «Ես վերջին քսան տարիների ընթացքում առաջին անգամն է, որ չեմ պատրաստվում մասնակցել ընտրություններին և չեմ քվեարկելու որ ոքի օգտին», - ասել է Չուբայսը, սակայն չի մանրամսնել, թե որ ընտրություններին չի մասնակցելու` Պետդումայի, թե ՌԴ նախագահական ընտրությունների:

Չուբայսի այդ հայտարարության տակ արդեն հինգ հարյուրից ավել մեկնաբանություններ են եղել. որոշները աջակցել են Չուբայսի այդ մտադրությանը, իսկ մի մասն էլ իրենց մեկնաբանություններում գրել են, որ Չուբայսը անուղղակիրեն աջակցում է իշխող կուսակցությանը: 

Նշենք, որ Անատոլի Չուբայսն առաջին անգամ չէ, որ հանդես է գալիս հակակառավարական կեցվածքով: Այս տարվա սեպտեմբերին վերջինս հայտարարել էր, որ Ռուսաստանին առաջիկա տաս տարիներին սպասվում է «դեպրեսիայի» ժամանակաշրջան:

«Մենք առաջիկա տաս տարում չենք ունենալու ՀՆԱ-ի 8% աճ, ինչը գոյություն ուներ մինչ ճգնաժամային տարիներին: Մեզ առաջիկայում լավագույն դեպքում սպասվում է մինչև 4% տնտեսական աճ», - ասել է նա:

Չուբայսն այդ հայտարարության ժամանակ ավելացրել էր, որ Ռուսաստանի տնտեսության շարժիչ ուժերը պետք է լինեն ինովացիոն տեխնոլոգիները. դա առնվազն մի քանի տոկոսով կբարձրացնի ՀՆԱ-ի ցուցանիշը: