Warner Bros կինոընկերությունը չեղյալ է հայտարարել ֆիլմի ցուցադրությունը Փարիզում

ԱՄՆ-ի  կինաթատրոններից մեկում տեղի ունեցած ողբերգական միջադեպի պատճառով Warner Bros կինոընկերությունը որոշում է ընդունել Բեթմենի մասին ֆիլմի հանդիսավոր ցուցադրությունը Փարիզում չեղյալ հայտարարել, որը պետք է կայանար հուլիսի 20-ի երեկոյան: Այդ մասին հաղորդում է Life News-ը։ Ֆրանսիայի մայրաքաղաքում կայանալիք միջոցառմանը ժամանել էին ֆիլմի ռեժիսոր Քրիստոֆեր Նոլանը և գլխավոր հերոսների դերակատարները՝ դերասաններ Քրիստիան Բեյլը, Էնն Հետեուեյը և Մորգան Ֆրիմանը։ Հոլիվուդյան աստղերը չեղյալ են հայտարարել նաև բոլոր պլանավորած հարցազրույցները ֆրանսիայում։

Հիշեցնենք, որ ԱՄՆ-ի կինոթատրոններից մեկում 24-ամյա տեղացու կրակոցներից զոհվել է 12 մարդ, իսկ 50–ը ստացել էր տարբեր աստիճանի վնասվածքներ։ Հանցագործության դրդապատճառները դեռ հայտնի չեն։