Մալաթիայի հայկական եկեղեցին կվերանորոգվի
Հայաստան
Մալաթիայի Չավուշօղլու թաղամասում գտնվող հայկական Սուրբ Երրորդություն եկեղեցին, որն ամիսներ առաջ Մալաթիայի հայերի միության ջանքերի շնորհիվ հայտնվել էր Թուրքիայի մշակույթի և տուրիզմի նախարարության կողմից վերանորոգման ենթակա շինությունների ցանկում, կվերանորոգվի։
Մալաթիայի նահանգապետարանի հատուկ վարչության կողմից Հրանտ Դինքի ծննդավայրում գտնվող եկեղեցու և վերանորոգման կարիք ունեցող մի շարք այլ կառույցների վերանորոգման համար նախատեսված գումարն արդեն դուրս է գրվել։ Հատկացված գումարի չափը չի նշվում Մալաթիայի նահանգապետարանի խորհրդի որոշման մեջ։
Նախատեսված է, որ եկեղեցին վերանորոգումից հետո գործելու է որպես մշակութային կենտրոն, սակայն Մալաթիայում բնակվող մոտ 60 քրիստոնյա հայերն ամեն ինչ անելու են եկեղեցում կրոնական արարողություններ իրականացնելու թույլտվություն ստանալու համար:
Նշենք, որ Մալաթիայի Սուրբ Երրորդություն եկեղեցու վերանորոգման անհրաժեշտության մասին 2002 թ. առաջին անգամ բարձրաձայնել է Հրանտ Դինքը, ով ծնունդով Մալաթիայից էր։ Սուրբ Երրորդություն եկեղեցին, որը ժողովուրդն անվանում է նաև Թաշհորոն, գործել է մինչեւ 1915-ը, որից հետո մինչեւ 1940-ը եղել է զինվորական պահեստ, այնուհետ մատնվել բախտի քմահաճույքին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
