Samsung ընկերությունը 2 ամսվա ընթացքում վաճառել է ավելի քան 10 միլիոն Galaxy S III սմարթֆոն

Samsung ընկերությունը վաճառել է ավելի քան 10 միլիոն Galaxy S III սմարթֆոն, հաղորդում է հարավկորեական Yonhap գործակալությունը՝ վկայակոչելով Samsung-ի նախագահ Չոն-Կյուն Շինին (Jong-Kyun Shin)։

10 միլիոն վաճառք Galaxy S III գրանցել է վաճառքի մեկնարկից երկու ամսվա ընթացքում։ Հեռախոսի այս մոդելը մայիսի 29-ից շուկա է հանվել Եվրոպայի և Մերձավոր Արևելքի 28 երկրներում։ Ռուսաստանում վաճառքը մեկնարկել է հունիսի 5-ից, ԱՄՆ-ում՝ հունիսի 21-ին։

Նախորդ՝ Galaxy S II սմարթֆոնը վաճառվել է 10 մլն օրինակով 5 ամսվա ընթացքում: 2012 թ. հունիսի 1-ի դրությամբ, աշխարհում վաճառվել է 50 միլիոն Galaxy S և Galaxy S II սմարթֆոն։

2012 թ. մայիս 3-ին ներկայացված Galaxy S III-ը համարվում է iPhone-ի հիմնական մրցակիցներից մեկը։ Համեմատության համար նշենք, որ Apple-ը վաճառքի առաջին 3 օրերի ընթացքում (2011 թ. հոկտեմբերի 14 - ից մինչև 16-ը) իրացրել է 4 միլիոն iPhone 4S սմարթֆոն:

Նշենք, որ, ըստ IDC, 2012 թ. առաջին եռամսյակում Samsung-ը դարձավ բջջային հեռախոսների և սմարթֆոնների աշխարհի խոշորագույն արտադրողի՝ առաջ անցնելով Apple-ից և Nokia-ից։