Ուգո Չավեսը կոչ է արել համաքաղաքացիներին գնել հայրենական արտադրության բնական հյութեր

Վենեսուելայի նախագահ Ուգո Չավեսը կոչ է արել համաքաղաքացիներին գնել հայրենական արտադրության բնական հյութերը, այլ ոչ՝ ներմուծվող Cola-Cola և Pepsi ըմպելիքները, հաղորդում է Associated Press-ը։

Հեռուստաեթերի ժամանակ նախագահը համոզել է վենեսուելացիներին ներմուծված գազային ըմպելիքների փոխարեն խմել Uvita խաղողի հյութ, որն արտադրում է վենեսուելական Corpozulia պետական ընկերությունը։

Այդպիսով Չավեսն ակնկալում է բարձրացնել հայրենական արտադրանքի սպառումը։ Բացի այդ, երկրի ղեկավարը գովազդում է տեղական խաղողից արտադրված գինին։