Դամասկոսը հայտարարել է քիմիական զենքի կիրառման պայմանների մասին
Մերձավոր Արևելք
Սիրիայի կառավարության պաշտոնական ներկայացուցիչ Ջիհադ Մաքդիսին հայտարարել է, որ իր երկիրը քիմիական զենք կօգտագործի միայն արտաքին միջամտության դեպքում, հաղորդում է Reuters-ը: Ընդ որում նա ընդգծել է, որ Սիրիայի ներկայիս կառավարությունը սեփական բնակչության դեմ ոչ մի դեպքում չի օգտագործի քիմիական թունավորող միջոցներ:
Մաքդիսին նաև նշել է, որ ներկայումս քիմիական զենքի բոլոր պաշարները Սիրիայի բանակի հուսալի ձեռքերում են, և նրանք թույլ չեն տա, որպեսզի դրանք անցնեն ահաբեկիչներին:
Հիշեցնենք, որ սիրիական կառավարությունը չէր խոստովանում իր մոտ քիմիական զենքի առկայությունը, սակայն չէր էլ հերքում այն տեղեկությունները, ըստ որոնց քիմիական զենք իրենք այնումանայնիվ ունեն:
Վերջին օրերին Իսրայելը և ԱՄՆ-ն սկսել են մշակել միջոցառումների հատուկ պլան, որը կիրականացվի Սիրիայի ներկայիս ռեժիմի փոփոխության դեպքում: Նրանք, մասնավորապես, մշակում են միջոցառումների փաթեթ, որն ուղղված է տարածաշրջանում քիմիական զենքի չտարածմանը: Իսրայելի պաշտպանության նախարար Էհուդ Բարաքն ասել է, որ անհրաժեշտության դեպքում իր զինծառայողները կկարողանան հաղթահարել այդ խնդիրը:
Հիշեցնենք նաև, որ մեկ շաբաթ առաջ հաղորդվում էր, որ սիրիական բանակը սկսել է դուրս հանել քիմիական զենքը պահեստներից: Թե ինչ նապատակով էր դա արվում, հայտնի չէ:
ՈՒՂԻՂ ԵԹԵՐ
Ամենադիտված 
ՀՀ ՊՆ–ն հայտարարություն է տարածել
