Իշխանություններին քննադատելու համար դատարանով են վախեցրել

  -Հայաստանը տնտեսապես շրջափակված երկիր է: Մենք կախված ենք գազից, նավթից ու հոսանքից, որից կարող են մեզ մի օր զրկել:Էներգետիկ ու էկոլոգիական ճգնաժամի առաջ ենք կանգնելու, միակ միջոցը այլընտրանքային էներգիայի աղբյուր ունենալն է, այն է` արևային էներգիան,- այսօր «Արմատ» մամուլի ակումբում լրագրողների հետ հանդիպման ժամանակ ասաց Տեխնիկական գիտությունների դոկտոր Վահան Համազասպյանը:

Վ. Համազասպյանն արևային էներգիա ստանալու համապատասխան նախագծեր ունի մշակված: Սակայն դրանք համապատասխան մարմինների կողմից ուշադրության չեն արժանանում:

–Ես քննադատեցի իշխանություններին իրենց պասիվ ու անտարբեր վերաբերմունքի համար, ու դրանից հետո ինձ անընդհատ զանգում ու դատական կարգով վախեցնում էին,- ասաց Վ. Համազասպյանը:

Պրոյեկտները կյանքի չեն կոչվում, քանի որ ըստ բանախոսի, համապատասխան մարմինները  պատճառաբանում են, որ դա կվնասի ատոմային արդյունաբերությանը: Զարմանալին այն է, որ խոչընդոտում են նաև արտասահմանից ներդրումներ անողներին:

-Մարդիկ արդեն չեն ուզում ներդրումներ անել, քանի որ տեսնում են, որ այստեղ անհեռանկար զբաղմունք է դա,- ասաց Վ. Համազասպյան: