Հենապատերը հանձնվեցին շահագործման

2012թ հուլիսի 21 - ին շահագործման հանձնվեց ՀՀ պետական բյուջեի միջոցներով՝ Մ-2, Երևան – Մեղրի - Իրանի սահման ճանապարհահատվածի կմ 139+900 – կմ140+000 հատվածում կառուցված հենապատը:

Վերականգնման աշխատանքների արժեքը կազմել է շուրջ 132.30 մլն դրամ։ Պատվիրատուն ՀՀ տրանսպորտի և կապի նախարարության «Տրանսպորտի ԾԻԳ» ՊՀ-ն է, կապալառուն՝ «Վայքի ՃՇՇ» ՓԲԸ-ն։ ՀՀ տրանսպորտի և կապի նախարարի հրամանով, վերականգնված ստորին հենապատի հատվածը ընդունող հանձնաժողովում ընդգրկված էին նախարարության, Վայոց Ձորի մարզպետարանի, «Տրանսպորտի ԾԻԳ» ՊՀ-ի և «Հայաստանի ավտոմոբիլային ճանապարհների տնօրինություն» ՊՈԱԿ-ի, ՀՀ քաղաքաշինության նախարարության աշխատակազմի քաղաքաշինական պետական տեսչության պատասխանատու աշխատակիցներ, տեխնիկական հսկողության ներկայացուցիչը և շահագրգիռ համայնքի ղեկավարը։

Ինչպես նաև նույն օրը շահագործման հանձնվեց ՀՀ պետական բյուջեի միջոցներով վերականգնված Հ-46, Տաթև – Աղվանի - Կապան – Մ2 ավտոճանապարհի կմ 10+300 -ում գտնվող ստորին հենապատը:

Վերականգնման աշխատանքների արժեքը կազմել է շուրջ 11.20 մլն դրամ։ Պատվիրատուն ՀՀ տրանսպորտի և կապի նախարարության «Տրանսպորտի ԾԻԳ» ՊՀ-ն է, կապալառուն՝ «Ոսմար» ՍՊԸ-ն։ ՀՀ տրանսպորտի և կապի նախարարի հրամանով, վերականգնված ստորին հենապատի հատվածը ընդունող հանձնաժողովում ընդգրկված էին նախարարության, Սյունիքի մարզպետարանի, «Տրանսպորտի ԾԻԳ» ՊՀ-ի և «Հայաստանի ավտոմոբիլային ճանապարհների տնօրինություն» ՊՈԱԿ-ի, ՀՀ քաղաքաշինության նախարարության աշխատակազմի քաղաքաշինական պետական տեսչության պատասխանատու աշխատակիցներ, տեխնիկական հսկողության ներկայացուցիչը և շահագրգիռ համայնքի ղեկավարը։