Ե՞րբ «պետք է» - ն կվերածվի գործի
Վերլուծական
ՀՀ բարձր տեխնոլոգիական արդյունաբերության նախարար Հակոբ Արշակյանը նախարարության վերանվանումից և վերակազմակերպումից հետո այնքան հազվադեպ է երևում հանրության աչքին, որ արդեն տպավորություն է ստեղծվում, որ վերոնշյալ նախարարությունը ձևավորվել է հենց Արշակյանին անգործ և առանց պաշտոնի չթողնելու նպատակով, հակառակ դեպքում՝ ակնհայտ է, որ նախարարի գործառույթները հանգիստ կարելի էր հանձնել որևէ այլ գերատեսչությանը՝ խնայելով պետական բյուջեի գումարները:
Արշակյանը վերջին շրջանում խոսում է «պետք է» - ներով, ինչը փոքր ինչ տարօրինակ է, քանի որ մեկ տարին բավարար ժամկետ էր «պետք է»-ից գործի անցնելու համար: Օրինակ՝ նախարարն ասում է, որ Հայաստանը պետք է դառնա բարձր տեխնոլոգիական ռազմաարդյունաբերություն ունեցող երկիր, Հայաստանյան ՏՏ ընկերությունները պետք է վիրտուալ կամուրջ ստեղծեն, Հայաստանը պետք է հանդես գա իբրև տարածաշրջանային էկոհամակարգի կենտրոն, հյուսիս-հարավը պետք է ավարտին հասցվի և այլ տասնյակ «պետք է» - ներ:
Փոխարենը, Արշակյանը ակտիվ վոյաժների մեջ է, օրինակ՝ վերջերս է վերդարձել ԱՄՆ-ից, ուր մեկնել էր աշխատանքային այցով: Թե ինչպիսի արդյունքներ է գրանցել այդ այցը, դժվար է ասել, քանի որ գործնականում այցը դեռևս պտուղներ չի տվել: Միևնույն ժամանակ նախարարը չի մոռանում հեղափոխության սուրբ գործը՝ վեթթինգը, որը կարծես արդեն սկսել է իրագործել իր ղեկավարած գերատեսչության շրջանակներում: Մասնավորապես, նախարարը որոշել է ազատվել նախարարության որոշ աշխատակիցներից։ Օրեր առաջ նա կանչել է աշխատակազմի ղեկավար Սամվել Ամիրխանյանին և հրահանգել աշխատանքից ազատման դիմում գրել։
Ի դեպ, հակասությունները նախարարի և աշխատակազմի ղեկավարի միջև հին պատմություն են, և դեռեւս ապրիլին լուրեր տարածվեցին, որ նախարարի հրահանգով աշխատակազմի ղեկավարը դիմում է գրել, բայց Նիկոլ Փաշինյանը չի ստորագրել այն։ Այժմ, երբ արդեն կառավարության կառուցվածքը հաստատված է, և նախարարությունների միավորման պրոցեսն ընթացքի մեջ է, նորանշանակ նախարարը, փաստորեն, որոշել է ավարտին հասցնել ամիսներ շարունակ փայփայած սցենարը։ Իսկ աշխատանքը կարող է սպասել…
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
