Հալեպը ռմբակոծվում է

Այսօր Հալեպում տեղի ունեցող մարտերի ընթացքում Սիրիայի կառավարական զորքերը, բացի նախկինում արդեն օգտագործված զրահատեխնիկայի, ուղղաթիռների և հրետանու, կոնֆլիկտի ընթացքում առաջին անգամ մարտի նետեցին գրոհային ինքնաթիռներ: Այդ մասին հաղորդում է BBC-ն:

Հաղորդվում է, որ Հալեպի ռմբակոծվող թաղամասերի բնակչությունը փորձում է փախչել, կամ թաքնվում է շենքերի նկուղներում:

Սիրիական ընդդիմության զինված թևը` Սիրիական ազատ բանակը, որն այս օրերին իրականացնում է Հալեպ քաղաքի ազատագրման օպերացիան, հաղորդում է, որ մարտերն արդեն հասել են քաղաքի կենտրոն:

Նշենք, որ Սիրիական ազատ բանակի ներկայացուցիչները օրերս հայտարարել են, որ որևէ ազգային կամ կրոնական փոքրամասնություն, այդ թվում հայերը, ասորիները և քրդերը, չեն կարող լինել իրենց թիրախում: «Մեր թիրախը բացառապես Բաշար ալ Ասադի հանցավոր ռեժիմն է, ազգային փոքրամասնությունները բոլորիս հետ հավասար վայելելու են հեղափոխության պտուղները" - հայտարարել է ընդդիմադիր գնդապետ Աբդել Ջաբարալոքայդին:

Ինչպես հաղորդում է Լenta.ru-ն, Հալեպում և Հոմսում գտնվող մի շարք բանտերում ապստամբություններ են բարձրացել և պայթյուններ են տեղի ունեցել:

Հիշեցնենք, որ Հալեպում բնակվում են շուրջ 35 հազար հայեր, որոնց մեծ մասին չհաջողվեց տեղափոխվել Հայաստան: