Հալեպում կառավարական զորքերն անցել են հակահարձակման

Սիրիայի Հալեպ քաղաքում կառավարական զորքերը սկսել են հարձակումն ապստամբների կողմից նախկինում զբաղեցրած թաղամասերում։ Ըստ ականատեսների, պայքարն ընթանում է հրետանու և օդուժի կիրառմամբ։ Ճշգրիտ տվյալներ մարդկային կորուստների մասին չի հայտնվում։

Սիրիայի մայրաքաղաք Դամասկոսի մի քանի թաղամասերում Բաշար ալ-Ասադի ռեժիմին հավատարիմ զորքերը երեքշաբթի օրը ևս օպերացիա են անցկացրել զինված ընդդիմադիր խմբերի դեմ։ Ջոկատային գեներալ Մանաֆ Տլասը, որն անցել է Ասադի թշնամիների կողմը, երեկ խոսել է Al Arabiya հեռուստատեսային ալիք եթերից՝ կոչ անելով սիրիացիներին «միանալ ազատ և ժողովրդավարական Սիրիայի կառուցման համար»:

Հիշեցնենք, որ ԱՄՆ պետքարտուղար Հիլարի Քլինթոնը հայտարարել է, որ սիրիացի ապստամբների կողմից վերահսկողության տակ առնված թաղամասերը կարող են ծառայել որպես հենակետային բազա նոր իշխանությունների համար: Միևնույն ժամանակ, Քլինթոնը նշել է, որ Ասադի վարչակարգի համար դեռ ուշ չէ հայտարարել լայնածավալ քաղաքական բարեփոխման մասին։