Հայտնաբերվել է Երկիր մոլորակի ամենատարօրինակ կենդանին

Շատերը գիտեն, որ բնությունը մարդու համար մինչև այժմ բաց գիրք է. գիտնականները մշտապես հայտնաբերում են կենդանիների և բույսերի նախկինում անհայտ տեսակներ։ Աշխարհի ամենատարօրինակ էակին բրիտանացի կենսաբանները գտել են բառացիորեն իրենց ոտքերին տակ. Դա վաթսունակնանի տափակ որդն է, հաղորդում Daily Mail-ը։

Ռեկորդային թվով աչքերով 12 միլիմետր երկարությամբ անողնաշարավոր կենդանուն «Վստահություն վայրի բնությանը» հիմնադրամի ղեկավար Բրայան Էվերշամը գտել է Քեմբրիջի մոտակայքում գտնվող արոտավայրերից մեկում։ Սովորաբար կենդանիների՝ նախկինում անհայտ տեսակները հետազոտողները գտնում են եվրոպացիների համար բավականանին էկզոտիկ վայրերում, ինչպիսիք են Նոր Զելանդիան, Աֆրիկան կամ Կարիբյան կղզիները, որոնք, ի տարբերություն ԵՄ երկրների, նոսր են բնակեցված և համեմատաբար ավելի պակաս են տուժել մարդու ազդեցությունից։

Բրիտանիայի բնությունը համարվում էր մանրակրկիտ ուսումնասիրված, և այս պարագայում զարմանալի էր, որ գիտնականների կողմից ամենաանսովորը ճանաչված վաթսունակնանի կենդանին հայտնաբերվել է Երկիր մոլորակի հենց այս հատվածում։

Ըստ բրիտանացի կենսաբան և փորձագետ Հյու Ջոնսի, ով անողնաշարավորների ոլորտի մասնագետ է, նրա գործընկեր Բրայան Էրշվամին իրոք հաջողվել է հայտնաբերել նախկինում անհայտ վաթսունակնանի որդին, որին Ջոնսն ինքը տեսել է թերևս նախորդ գարնանը Նիդերլանդներում, ընդ որում՝ միայն մեկ անգամ: