Հնդկաստանի լեռներում ավելի քան 25,000 մարդ մնացել է փակված գնացքներում

Արդեն հինգերորդ օրը ընթացող միջհամայնքային զինված բախումների հետևանքով Հնդկաստանի հյուսիս-արևելքում գտնվող Ասամ նահանգի լեռներում ավելի քան 25,000 մարդ մնացել է գնացքներում փակված, հաղորդում է IANS գործակալությունը։

Մուսուլման բնակիչների և բոդո ժողովրդի միջև հակամարտությունը սկսվել է հուլիսի 20-ին: Վեճի ընթացքում սպանվել են հակամարտող խմբավորումների երիտասարդ առաջնորդները։ Մի քանի օր ընթացող բախումների հետևաքով զոհվել է 32 մարդ: Հրդեհվել են հարյուրավոր տներ, 50,000 մարդ դարձել է փախստական և գտնվում են փախստականների հատուկ պաշտպանվող ճամբարներում։

Ըստ լրատվամիջոցների, Ասամի լեռներում կուտակվել է մինչև 40 գնացք՝ կագնեցված իշխանությունների կողմից անվտանգության նկատառումներով: Ուղևորներին սնունդ և խմելու ջուր է մատակարարվում: Նրանց էվակուացնել դեռ հնարավոր չէ, քանի որ ավտոճանապարհները գտնվում են հենց բախման գոտում:

Քոքրաջհար և Չիրանգ լեռնային շրջաններում անկարգությունների ճնշման նպատակով ուղղարկվել է հինգ հազարանոց կանոնավոր բանակ։ Չորեքշաբթի օրը հնդկական իշխանությունները հայտարարել են, որ հավելյալ ուժեր են ուղարկում դեպի Ասամ։

Զինվորներին հրաման է տրվել ուղիղ կրակ բացել անկարգությունների մեղավորների վրա։ Ըստ լրատվամիջոցների, երեքշաբթի օրը զինծառայողները մի քանի անգամ կրակ են բացել հանցագործների վրա, ինչի հետևանքով սպանվել է 4 մարդ։